رجيم مناسب للحوامل

بقلميسرا خالد فيتخسيس الوزن visibility1073

لازم بنات حوا الحوامل يعرفوا ان مفتاح نجاح الحمل هو التغذية السليمة عشان تحافظى على صحتك وعلى صحة جنينك ومتتعرضوش لأى مخاطر او مشاكل صحية و تتمتعى بفترة حمل صحية وسهلة. جايبنلكم شوية نصائح للتغذية السليمة فى الفترة دى و ايه اللى جسمك هيحتاجه…

تعالوا نقرا مع بعض عن رجيم الحوامل…

رجيم الحوامل
رجيم الحوامل

ايه الحاجات اللى لازم تأكليها ؟

• النشويات: 50-65% من اكلك (ارز ,مكرونة ,خبز ,خضار) عشان نتجنب ارتفاع نسبة الكيتون في الدم اللي يؤثر سلبا” على الجنين.

• الاكثار من الالياف (الخضار, الحبوب الكاملة, الفواكه الطازجة او المجففة).

• البروتين (الحليب و مشتقاته, اللحوم على انواعها).

• تسع اكواب من المياه ,العصير الطبيعي ,و العصير الغير محلى

ايه الحجات اللى بلاش تأكليها ؟

• الصوم (بشكل عشوائي) , او انك تعملى اى رجيم لوحدك

• الدهون المشبعة زى اللى  بتكون موجودة في الزبدة , السمنة ,اللحم الاحمر ,الحليب الكامل الدسم ,و المأكولات المقلية.

• المشروبات الغنية بالكافيين (الشاي ,القهوة ,و المشروبات الغازية).

• الاعشاب و المواد المصنعة من الاعشاب زى الادوية اللى بيكون فيها اعشاب لأن مش هنكون عارفين تأثيرها على الجنين

ايه اهم الفيتامينات اللى لازم تستعمليها ؟

1 – حمض الفوليك:

لازم و انتى حامل تستعملى ما يقارب 0.4 مللغ يومياً من حمض الفوليك أي ما يعادل 400 ميكروغرام.

السبب: انك تحصلى على كمية كافية منه لتجنب احتمال إصابة الطفل بتشوّهات

المصدر: المشروم , الكبد , القرنبيط ,القمح الكامل ,عصير الليمون ,الحبوب الكاملة ,و الخضروات الخضراء زى السبانخ

ملحوظة:  من الاحسن انك تأكلى الحجات دى طازجة عشان حكض الفوليك بيروح مفعوله اثناء الطبيخ

2 – فيتامين ب6 :

السبب : اي نقص يسبب خللا” في نمو الجنين وتطوره العقلي .

المصدر : اللحوم على انواعها ,الحبوب الكاملة ,الخضار و المكسرات.

3 – فيتامين ج :

المصدر : الفواكه ,الخضارو الحمضيات.

4 –الكالسيوم : (1200- 1500 ملغ يوميا) .

السبب : لأن بيستخدم الجنين الكالسيوم المخزن فى جسم  الام لتأمين نموه.

المصدر : الحليب ( 3 اكواب يوميا), الخضروات و خصوصا القرنبيط و السبانخ.

5 – اليود :

السبب : اي نقص خلال الفترة الاولى  من الحمل  بتسبب تشوهات عند الجنين او الى الاجهاض.

المصدر : المأكلات البحرية و الملح المدعم

مثال للرجيم اللى ممكن تتبعيه فى فترة حملك

الافطار: ملعقة صغيره عسل نحل+2شريحة توست+قطعة جبنه متوسطة قليلة الدسم او بيضه او 4 ملاعق فول + 5حبات زيتون + خضروات السلطه + كوب حليب خالي الدسم

الغداء: طبق متوسط سلطه خضراء مع زيت+صدر دجاج او قطعتين لحم (200جم) او سمكه مشويه+كوب لبن قليل الدسم+نصف خبزه او طبق ارز صغير+خضرولت مطهيه(فاصوليا و كوسه و جزر)

الساعه 5-6 5 تمرات+كوب لبن قليل الدسم

العشاء: 2شريحة توست+ملعقة لبنه مع زيت زيتون وزعتر او 4 ملاعق فول بزيت او قطعة جبنه او بيضه + خضروات السلطه و حبة فاكهه

قبل النوم: كوب لبن+ملعقة عسل نحل

 بلاش ننسى دايما نرجع للدكتور اللى بنتابع معاه اذا قررنا نغير اى حاجة فى نظام أكلنا .بنات حوا بتتمنالك حمل صحى و خفيف و انك تعدى الفترة دى بألف سلامة .