المبتكر: رجل برج الدلو

يسرا خالد
يسرا خالد
14114

طموح, مفكر, مستقل ومحب للخير… حلمه انه يخلى الدنيا من حوليه اجمل و احسن مكان للناس كلها… هو قائد بالفطرة, يعشق الحرية, هو رجل برج الدلو…

رجل برج الدلو زكي جدا, نقدر نقول عليه عبقري, افكاره دايما جديدة وعقليته بتبهر اى حد يقابله, بيحب السفر.. بس يحب انه يسافر أماكن جديدة وغريبة في كل مرة, مبتكر وأصلي, بيهتم بالقضايا الانسانية, عنده رؤية للمستقبل ومحبوب جدا من الناس اللي حواليه.

  تعالوا نتعرف هلى اهم صفات رجل برج الدلو من 21 يناير- 18 فبراير.

رجل برج الدلو
رجل برج الدلو

1- مفتاح قلبة هو “عقلة”:

الرجل الدلو بيقدس المنطق والفكر, عمره مافيه بنت ممكن تعجبه عشان شكلها, هو رجل بينجذب جدا للبنت الذكية, المفكرة, صاحبة المبادئ, المحللة, بس مش معني الكلام ده انه لاغي قلبة, لأ بالعكس ده عنده جانب رومانسي قوي جدا وعنده قدرة على العطاء العاطفي بس ده بيبنه لما يتأكد انه فعلا لقي شريكة حياته المناسبة ليه.

2- رومانسى جدا بس مش بالكلام:

من النادر انك تسمعى رجل برج الدلو بيقول كلمة بحبك و بيفضل انه يعبرلك عن مشاعره فى شكل هدايا و شيكولاتة وورد و فسح و ده لان جزء من شخصيته فيه عدم القدرة على المواجهة و المصارحة بالمشاعر . لما بيحب بيحب بجد و بعمق و ممكن يوهب حياته كلها لحبيبته  و على الرغم من برجه الهوائى اللى بيرفض اى تحكمات لكن لو قابل الحبيبة المثالية ممكن يسبلها مطلق الحرية انها تتحكم فى حياته و استقلاليلته و هيكون مبسوط بكده.

3- شخصية جذابة وغير متوقعة:

شخصية عندها نظرة للمستقبل وعنده قدرة انه يخلق مستقبل أفضل, على الرغم من إن تفكيره بيبقي ديما مبني على المنطق وعنده مبادئ, لكنه في اوقات تانية بيعيش حالة من الرومانسية والتفاؤل, الخليط ده بيخليه بيخليه شخصية جذابة قوي للناس اللي حواليه, صديق وفي أو شريك حياة مخلص ,عنده دائرة كبيرة جدا من الاصحاب اللى بيشوفوا انه مخلص جدا و بيزيد عدد اصحابه بسبب تفاؤله و حبه للحياه و نظرته الجميلة للمستقبل و عشان كده الناس بتحب وجوده في حياتهم.

بما انه شخصية يحمكها العقل والمنطق, في اوقات اتخاذ القررت ممكن يعود يدرس كل الاحتمالات لوقت طول جدا وبعد كدة الناس تتفاجأ بقرار غير متوقع تماما.

4- مدبر ممتاز للفلوس:

مدبر لفلوسه ممتاز من الدرجة الاولى و بيعرف يتحكم فى محفظتة كويس لانه بيتعامل بعقله مش بقلبه فمش بيشترى اى حاجة غير لما تكون مفيدة او محتاجها بجد و على الرغم انه معندوش روح المخاطرة و المغامرة فى الاستثمارات الا انه من فترة للتانية بيحب يجرب حظه فى الاستثمار بعد لما يحسب كل النتايج و المكاسب و الخسارة.

5- مبتكر: 

شخصية مبتكرة جدا و عنده افكار مجنونة و جديدة ملهاش اول من آخر و ممكن يلاقى حلول لاى مشكلة , ممكن كمان يقدر يخترع حاجات جديدة محدش فكر فيها قبل كده شخصية عبقرية جدا و مفكر و محلل رائع و بيشوف المستقبل قدامه كأنه بيحصل دلوقتى .

6- غامض:

اللى بيتعامل مع الرجل فى البرج ده لازم يتعلم يقرأ افكاره! لانه يعتبر كتلة من الغموض ومبيحبش يتكلم عن مشاعره او يقول هو بيفكر فى ايه و هيكون من الصعب جدا تتوقع معاملاته و تفكيره لانه بيعرف إزاي يخبي مشاعرة كويس وزي ماقلنا قبل كده بيفكر ويحلل كتير قبل ماياخد قراراته أو يتصرف في موقف.. ممكن فى لحظة يتغير من مبسوط لزعلان من غير اى سبب واضح. محتاج شريكة تكون عندها تواصل فكري معاه كويس قوي عشان تقدر تتنبأ بقراراته أو تصرفاته.

رجل برج الدلو شخصية رائعة وهتحبى تتواجدى حوليه لتفاؤله و حبه للحياة, لازم تخاطبي عقلة قبل قلبة عشان تكسبيه في حياتك, رجل كريم, مخلص, بس متحاوليش تقيدى حريته لانه ممكن يفضل الموت عن انه يكون محبوس او مقيد!

ممكن تقرأوا كمان عن انثى برج الدلو

توافق برج الدلو مع الابراج التانية!

مقالات متعلقه

استايل هدوم رجل برج الدلو

استايل هدوم رجل برج الدلو

استايل هدوم انثى برج الدلو

استايل هدوم انثى برج الدلو

احلى هدايا لرجل برج الدلو !

احلى هدايا لرجل برج الدلو !