طريقة كحك العيد بأسهل واسرع الطرق

بقلمأنجي سليمان فيحلويات visibility2270

كل سنة وانتم طيبين يا كل بنات حوا بمناسبة عيد الفطر المبارك، طبعا ما ينفعش يجي عيد الفطر من غير ما نحضر كحك العيد واللي غالبا كلنا بنتعامل معاه على انه مجهود وتعب وحاجة معقدة، لكن النهاردة احنا حنشرحلك طريقة كحك العيد وحتلاقيها من اسهل ما يكون شوفي معانا الخطوات والصور وانتي حتعرفي ان مافيش اسهل من عمايل الكحك في البيت

طريقة كحك العيد بالتفاصيل المصورة

المقادير

  • كيلو دقيق
  • 2 ونص كوباية سمنة
  • ربع معلقة صغيرة ملح
  • معلقتين كبار سمسم ابيض
  • معلقة صغيرة ريحة الكحك او ربع معلقة صغيرة ريحة موز سايلة
  • قطعة خميرة بيرة اد عين الجمل او معلقتين صغيرين خميرة فورية
  • معلقة صغيرة سكر
  • ربع كوب ماء دافيء
  • نص كوب حليب دافيء

للحشو (اختاري اللي يناسبك)

  • عجوة
  • ملبن
  • مكسرات

خطوات التحضير

  • اول خطوة حطي الخميرة مع السكر وربع كوباية الماية الدافية مع بعض وسيبيهم على جنب عشان الخميرة تتفاعل
  • في حلة على النار حطي السمنة وسيبيها تسيح وتقدح
  • انخلي الدقيق مع الملح وحطيهم في حلة غويطة
  • اعملي حفرة في نص الدقيق وحطي فيها السمسم الابيض

طريقة كحك العيد

  • دلوقتي اختبري السمنة ارمي فيها حبايتين سمسم لو لقتيهم طلعو لفوق بسرعة وعملو صوت طقطقة يبقى السمنة قدحت اما لو السمسم نزل لتحت واخد وقت على ما يحمر تبقى السمنة لسه ماقدحتش

طريقة كحك العيد

  • لما تتأكدي من السمنة، استخدمي المغرفة وخدي شوية بشوية وحطي فوق السمسم اللي في قلب الدقيق عشان يتحمص

طريقة كحك العيد

  • حطي مقدار السمنة كله وقلبي بالمعلة الخشب كويس اوي الخطوة دي اسمها بس العجين لازم كل نقطة دقيق تتشرب من السمنة وتتفرك معاها عشان الكحك يطلع مظبوط

طريقة كحك العيد

  • سيبي العجينة تستهدي وماتحطيش الخميرة الا لما تتاكدي انها بقت دافيه عشان لو سخنة حتموت الخميرة
  • ضيفي ريحة الكحك وضيفي الحليب واحدة واحدة واعجني لغاية ما توصلي لقوام ناعم مش بيلزق في الايد ولا يابس

طريقة كحك العيد

تحضير الحشو

  • دلوقتي العجينة جاهزة، سيبيها ترتاح نص ساعة وجهزي الحشو
  • بالنسبة للعجوة طريها كويس جدا بحيث ان قوانها يبقى ناعم زي قوان العجينة قبل ما تحشي بيها الكحك
  • لو ملبن افركيه مع معلقتين سمنة باستخدام شوكة لغاية ما يبقى مفلفل ومش متكتل
  • والمكسرات بلاش تجرشيها اوي كفاية تكسريها على اتنين او تلاتة ممكن تدقيها في الهون مثلا بدل فرمها في الكبة

الخبيز والتقديم

  • خدي قطعة من العجينة اعمليها شكل كورة
  • اعملي تجويف في النص وحطي قطعة من الحشو
  • اقفلي الكورة واظبطي شكلها وانقشيها
  • رصي الكحك في صينية الفرن وسيبي مسافات بين الكحك وبعضه

طريقة كحك العيد

  • لما تنتهي من الكمية كلها سيبي الكحك يخمر حوالي ساعة
  • لما تحسي ان الكحك وزنه بقى خفيف ابدأي في الخبيز
  • حضري الفرن قبل الخبيز بربع ساعة على درجة 180
  • دخلي الصواني وتابعيها كويس اول ما تحمر من تحت الكحك يدوب بيلون زي البسكويت مش لازم يبقى غامق

طريقة كحك العيد

  • لما تنتهي من الخبيز رشي الكحك بالسكر البودرة كويس اوي وقدمية

طريقة كحك العيد