توافق القوس مع الأبراج التانية
1- برج اﻟﻘوس واﻟﺣﻣل:
ﻋﻼﻗﺔ كلها حماس بتجمع ﺑﯿﻦ ﻣﻮاﻟﯿﺪ ﺑﺮﺟﯿﻦ ﻧﺎرﻳﯿﻦ و بتساعد على قدرتهم فى ﺗﺤﺪي مشكلات الحياة. عندهم احساس المغامرة, بيبقوا على طبيعتهم تماما مع بعض, انتم الاتنين عندكم ﺣﺎﺳﺔ اﻻﻧﺪﻓﺎع واﻻﻧﻄﻼق واﻟﺤﻤﺎﺳﺔ و بتلاقوا ﺻﻌﻮﺑﺔ لما تتعاملوا مع أشخاص تانيين عشان بتحتاجوا تبطؤا من سرعتكم, لكن مع بعض المشكلة ده مش موجودة. الحمل بيحب شوية موضوع المنافسة والتحدي لكن القوس أكتر هدوء وصبور أكتر من الحمل.نوع العلاقة: أي علاقة فالدنيا فيها تحدي بس أنتم بتشاركوا بعض علاقة كاملة وسعيدة وده بيغطي على أي تحديات موجودة ما بينكم.2- برج اﻟﻘوس واﻟﺛور:
اكثر حاجة بتجنن القوس انه عاشق الاجتماعيات و السفر و الرحلات بعكس الثور المحب للهدوء و الراحة و الوحدة و ده بيخلى القوس يمل من الثور أوقات كتيرة. برج الثور مش بيحب النشاط الزيادة اللى عند القوس لانه فى رأيه بيشتت تركيزه عن حجات اهم زى الشغل . لازم الاتنين يتعلموا ان كل واحد فيهم يقدر يمارس هواياته و اهتمامته لوحده من غير التانى و ده هيساعد على فهمهم لبعض و يقدروا يوازنوا حياتهم.
نوع العلاقة: متناقضين ومختلفين, صعب انكم تقتنعوا بشخصية بعض, بس لو حصل ما بينكم انجذاب بيكون قوي وبتقدروا تغيروا وتأثروا في شخصيات بعض.
3- برج اﻟﻘوس واﻟﺟوزاء:
فضوليين, بتحبوا التجديد وبتحبوا الحياة, مغامرين, بتملوا حياة بعد بالمفاجآت والتحديات الجديدة, بتستمتعوا قوي بحياتكم مع بعض.
القوس فلسفي وبيحب التخطيط والنظام, وشخصيته قوية جدا, الجوزاء بينجذب لأفكار القوس وبتثير اهتمامه, من النادر إنك تلاقي اتنين بيفكروا فكر مختلف وفي نفس الوقت عندهم استعداد يسمعوا بعض كويس ويستفيدوا ويغيروا افكارهم عشان بعض. والتجاذب ده بنلاقيه في اقوي صوره بين الجوزاء والقوس.
حب الحرية مهم جدا للاتنين وهم بيعرفوا يدوه لبعض وده بيخلي علاقتهم دايما فيها اشتياق وتجديد.
نوع العلاقة: ناجحة ومثيره وفيها تفاهم ومرونه.
4- برج اﻟﻘوس واﻟﺳرطﺎن:
طبيعتهم مختلفة وفيه احتمال لحدوث تصادم كبير بين الاتنين دول, القوس بيحب الاستكشاف, السفر, التغيير على عكس السرطان اللي بيحب البيت والعيله وإنه يحس بالامان في مكانه, ده بيخنق احتياج القوس للحرية و الاستكشاف.
القوس فلسفي بيحب النظريات وانه ميخدش الأمور بشكل شخصي طبعا على عكس السرطان تماما.
نوع العلاقة: متناقضين ومختلفين, صعب انكم تقتنعوا بشخصية بعض, بس لو حصل ما بينكم انجذاب بيكون قوي وبتقدروا تغيروا وتأثروا في شخصيات بعض.
5- برج اﻟﻘوس واﻻﺳد:
6- برج اﻟﻘوس واﻟﻌذراء:
فيه احتمال كبير للاختلاف مابينكم, لما بيحصل ما بينهم مناقشة العذراء بيحب يدخل في تفاصيل التفاصيل والقوس بيحب يبص للموضوع بصة عامة, من ناحية ساعات الجوزاء بيبقي غلطان من كتر الدخول بزيادة في التفاصيل ده ممكن يضيع الهدف الأساسي للنقاش أو الخطة ونفس الوقت القوس ساعات بيبقي محتاج التحليل بتاع القوس بس هو مش بيحب يعترف بده.
لو قدرتوا توفقوا بينكم وبين بعض إن كل واحد يلعب دوره صح, يعني القوس يهتم بالأفكار والخطة الكبيرة ويسب التفاصيل والنصايح العملية للعذراء الدنيا ممكن تنجح, بس برده فيه احتمال كبير إن القوس يتضايق من طريقة العذراء في النقد وانه بيقف كتير في الحاجات البسيطة الصغيرة والعذراء ممكن يجيله احباط من تهور القوس في قراراته أو تصرفاته…
نوع العلاقة: البرجين بينهم أختلاف, محتاجين وقت ومجهود عشان تعرفوا تتفاهموا, بس بمجرد إن ده يحصل علاقتكم هتكون رائعة عشان هتكملوا بعض.7- برج اﻟﻘوس واﻟﻣﯾزان:
ﻋﻼﻗﺔ ﻣﻤﯿﺰة وبتستمر ﻟﺴﻨين وعادة مش بيحصل فيها ﺧﻼﻓﺎت ﻋﻤﯿﻘﺔ وﻣﺆﺛﺮة. ﻛﻞ طﺮف ﻣﻦ اﻟﻄﺮﻓﯿﻦ بﻳﺘﻔﺎھﻢ ﻣﻊ التانى ﺑﺴهولة لان هما الاتنين ﺷﺨﺼﯿات اﺟﺘﻤﺎﻋﯿﺔ بﺗﺤﺐ اﻟﻨﺎس والخروج وبيستمتعوا برفقة بعض, ممكن نقول ان ﻣﻮاﻟﯿﺪ اﻟﻘﻮس اﻛﺜﺮ ﺻﺪﻗﺎ وصراحة و أقل ﻤﺠﺎﻣﻠﺔ لو ﻗﺎرﻧﺘﮫ باﻟﻤﯿﺰان. القوس بيضيف على العلاقة حيوية بأفكارة الحماسية المجنونة, والميزان بيستجيب في معظم الوقت وبيحاول يظهر وجهة نظر عاقلة وموزونة للقوس بس بيعمل ده بمنتهي الحرص عشان ميخليش القوس يفقد حماسته.. بس في بعض الأوقات الميزان مش بيوافق على أفكار القوس لو عنده بعض الشكوك أو الأسئلة اللي ملهاش اجابة واضحة.نوع العلاقة: ناجحة ومثيره وفيها تفاهم ومرونه.8- برج اﻟﻘوس واﻟﻌﻘرب:
ﻋﻼﻗﺔ ﺻﻌﺒﺔ ﺑﻜﻞ اﻟﻤﻘﺎﻳﯿﺲ ﻓﺸﺨﺼﯿﺔ اﻟﻘﻮس عنده حماس وشغف بالأفكار والخطط الجديدة, والعقرب مش بيقدر الجزء ده عند القوس وتلاقيه مش قادر يستوعب الخطة لانة اوقات مش بيبقي عنده بعد النظر اللي عند القوس.القوس شخصية اجتماعية و ﻣﻨﻔﺘﺤﺔ ﻋﻠﻰ الناس و الاصحاب وﻋﻠﻰ اﻟﻌﻜﺲ فى ﺷﺨﺼﯿﺔ اﻟﻌﻘﺮب اللي يحب يبقي في جروب من اصحابة القريبين اللي فيه بينه وبينهم علاقة عميقة وقوية.زي ما قلنا العقرب مشاعرة اقوي واعمق من القوس, ولما بيوقع في الحب بيتعلق قوي بشريكة وبيبقي عايز يحس بحبه واهتمامة طول الوقت, وده طبعا مش بينفع مع القوس اللي بيحب الحرية وإن شريكة يديله مساحتة الشخصية, العقرب غيور جدا وده صفة القوس مش بيحبها تماما وبيتجاهلها وده ممكن تعمل مشاكل رهيبة مابينهم.نوع العلاقة: البرجين بينهم أختلاف, محتاجين وقت ومجهود عشان تعرفوا تتفاهموا, وفيه أحتمال كبير للمشاكل مابينكم.9- برج اﻟﻘوس واﻟﻘوس:
تجمعكم علاقة صداقه قوية جدا, بتبحوا السفر ومش بتهدوا ولا ترتاحوا, مش بتحبوا التفاصيل الصغيرة, متحمسين ومغامرين, بينكم حاجات كتيرة مشتركة, بس لو اختلفتوا في وجهات النظر اللي أنتم بطبقوا متحمسين ليها قوي ده ممكن يخليكم مش قادرين تقربوا من بعض, بمعني أدق مش بتستعوبوا موضوع الاختلاف في الرأي إلى حد ما. انتم تنفعوا اصدقاء اقويه أو عشاق رومانسيين.
نوع العلاقة: قوية جدا! لأنكم بتبقوا فاهمين بعض كويس قوي كأنه كتاب مفتوح…
10- برج اﻟﻘوس واﻟﺟدي:
ﻋﻼﻗﺔ ﻣﻌﻘﺪة وﺻﻌﺒﺔ بﺗﺠﻤﻊ ﺑﯿﻦ ﻣﻮاﻟﯿﺪ ﺑﺮج اﻟﻘﻮس اﻻﺟﺘﻤﺎﻋﯿﯿﻦ واﻟﻮدودﻳﻦ واﻻﻧﺒﺴﺎطﯿﯿﻦ ﻣﻊ الناس وﻣﻮاﻟﯿﺪ اﻟﺠﺪي الجديين ﻓﻲ اﻟﺘﻌﺎﻣﻞ. ﺼﻌﺐ القوس متفائل ومتهور على عكس الجدي تماما الشخصية الواقعية الشكاكة اللي بتحب تدرس وتخطط قبل كل خطوة, القوس مثلا بيبقي عايز ينطلق ويسافر لكن الجدي بيبقي حاسس إن عنده مسئوليات مينفعش يتخلي عنها, وده بيخليه يحس إن القوس شخصية غير مسئولة والقوس بيحس إن الجدي شخصية رتيبة ومملة جدا.11- برج اﻟﻘوس واﻟدﻟو:
ﻋﻼﻗﺔ ﻣﻤﯿﺰة و بيلاقى كل واحد فيهم اللى عايزه فى التانى، هما الاتنين اﺟﺘﻤﺎعين و بيستمتعوا بأنهم يتعرفوا على ناس جديدة ويسافروا ويتعرفوا على كل حاجة جديدة في الحياة من موضة, لمزيكا, لسياسة, لفنون..القوس عنده موضوع الفلسفة أكتر شوية من الدلو ويحب أكتر انه يكون عنده هدف في الحياة.. مستقلين وتحبوا يبقي لكم مساحتكم من الحرية الشخصية. نوع العلاقة: عندكم تناغم وتعاون وفيه بينكم حاجات كتيرة مشتركة, بتقدروا بعض ومن السهل جدا انكم تنجحوا مع بعض عاطفيا.12- برج اﻟﻘوس واﻟﺣوت:
انتم الاتنين خيالكم واسع وبتحملوا كتير, مش بتحبوا التفاصيل الصغيرة وكرمة للغاية.. أختلافكم كبير, الحوت شخصية سلبية على عكس الإيجابية الواضحة اللي عند القوس.. القوس أكتر حركة ونشاط لكن الحوت كسول وبطيء وده حاجة القوس مش بيقدر يستحملها وتلاقيه في اوقات كتير صبره بينفذ ويفقد اعصابة مع الحوت…القوس شخصية مباشرة وصريحة في حين الحوت شخصية مراوغة مش بيقول اللي عايزة على طول لكن لازم يلف ويدور, ده غير انه حساس وده بيعمل مشكلة مع صراحة القوس الفظه اللي ممكن تجرح الحوت بمنتهي القسوة و بتبقي من غير قصد. نوع العلاقة: متناقضين ومختلفين, صعب انكم تقتنعوا بشخصية بعض, وقدامكم تحدي كبير عشان تقدروا تنجحوا العلاقة ديه.في النهاية حابين نقولكم إن موضوع الأبراج مش لازم ينطبق علي كل الناس زي بعض وبنفس النسبة عشان كده لو فيه بينكم مش بينطبق عليه الكلام ده, ده شيء طبيعي جدا. احنا قدمنا المقارنة من من جانب واحد بس, لكن في الحياة فيه جوانب تانية كتيرة جدا بتأثر في العلاقة احنا متأكدين طبعا انكم بتاخدوا بيها في حكمكم, وفيه في العالم علاقات كتيرة جدا ناجحة بين كل علامات الأبراج, لأن اهم حاجتين ممكن ينجحوا أي علاقة هما (الحب والتفاهم)… نتمنى إن الموضوع يكون عجبكم وفعلا استفدتم منه وقدرنا نوضحلكم ونتعمق أكتر في مواصفات برج القوس..
