كتالوج رسومات حنة لأجمل عروسة
من أجمل الطقوس اللي بتسبق الفرح هي ليلة الحنة، ده اليوم اللي بتحتفل فيه العروسة مع صديقاتها وقرايبها المقربات وبيكون يوم مخصص للبنات وبس عشان كده بيبقى غالبا يوم دلع أكتر من يوم الفرح نفسه، وطبعا الحاجة اللي البنات كلها بتجمع عليها في اليوم ده هي رسومات الحنة، وعشان بنات حوا بتحب تشاركك دايما كل المناسبات احنا جمعنالك هنا كتالوج رسومات حنة في مجموعة جميلة من الرسومات المميزة والرقيقة لعروسة بنات حوا.
رسومات حنة مميزة في اجمل ليلة حنة
شوفي كمان رسومات حنه مميزة للضهر والكتف
نصايح قبل رسم الحنة
وقبل ما نرسم الحنة في الليلة المميزة دي في شوية نصائح نحب نقولهالك عشان ماتتفاجئيش بأي حاجة في اليوم المميز ده:
- جربي الحنة على جزء صغير من ايدك او رجلك قبل الرسم ب 24 ساعة عشان تتأكدي ان معندكيش حساسية.
- قبل الاستخدام اتأكدي من خبيرة التجميل اللي حترسملك رسومات الحنه ان مثبتتات اللون طبيعية زي الحبر الاسود وانها مش كحول او بنزين عشان ماتضرش بجلدك.
- لو كنتي بتستخدمي الحلاوة او الشمع في ازالة الشعر يبقى لازم تشيليه قبل الرسم بيومين او تلاتة عشان الجلد يرتاح شوية قبل الرسم.
- اختاري لون الحنة اللي يليق مع لون بشرتك عشان في حنة سوداء وحنة حمراء.
- يا ريت ليلة الحنة تبقى الليلة اللي قبل الفرح على طول مش قبلها بيوم عشان الرسمة بتبقى في احلة لون وشكل لها بعد الرسم بيوم، اما بقى لو مضطرة انها تبقى قبلها بيومين يبقى اختاري الحنة الحمرا لأنها بتطول شوية عن الحنة السوداء.
- اما اخر نصيحة فهي اختيار خبيرة التجميل، لازم تكوني عرفاها او على الاقل تعرفي حد اتعامل معاها، وحاولي تزوريها مرة قبل المناسبة باسبوع مثلا او اكتر عشان تعرفي كفائتها وسرعتها في الرسم، اما لو معندكيش الفرصة دي فممكن تعتمدي على السمعة وتختاري خبيرة متجربة من صحابك او قرايبك.
ودلوقتي اتفرجي معانا على الالبوم واختاري افكار لرسومات الحنة المناسبة ليكي عشان تتألقي يوم فرحك او خطوبتك.
شوفي كمان أحلي رسومات الحنة الملونة لرسمة الفراشة
