كورس تفتيح البشرة في اسبوع
طبعا كلنا بنهتم ببشرتنا سواء كان ده من وقت للتاني او بانتظام لكن احيانا بتكون عندنا مناسبات او ظروف في حياتنا بتخلينا عايزين نظهر بمظهر جذاب وخالي من العيوب والمشاكل اللي زي التخلص من الهالات السوداء او اثار الحبوب والبقع او مثلا نحتاج تفتيح سريع لبشرتنا كلها عشان نوحد لونها، النهاردة بنات حوا جابتلكم مجموعة من وصفات تفتيح البشرة ومصنوعة كلها من المواد الطبيعية ومفعولها بيظهر في خلال اسبوع الى عشرة ايام، تعالي معانا شوفي الوصفات دي عشان تبدأي العيد ببشرة صافية ونقية
كورس تفتيح البشرة قبل العيد
وصفات التخلص من الهالات السوداء
الهالات السوداء تحت العيون من اكتر المشاكل المزعجة في البشرة واللي يدايق فيها اششباب ظهورها بيختلف من سبب للتاني زي الارهاق او التعب او غيره من الاسباب لكن الوصفتين اللي معانا النهاردة حيخلصوكي من المشكلة دي في خلال اسبوع واحد بس لكن بشرط انك تلتزمي بتكرار الوصفة يوميا.
1- عصير الطماطم
ابشري ثمرة طماطم واعصري عليها نص ليمونة ونص معلقة عسل نحل واعجنيهم مع بعض شوية.
حطي الخليط تحت عيونك في مكان الهالات الداكنة.
سيبيها عشر دقايق لما تحسي انها جفت شوية اغسليها بالماية الدافية.
كرري الخلطة دي كل يوم في نفس الميعاد لمدة اسبوع وحتلاقي ان مشكلةة الهالات السوداء انتهت.
ملحوظة: لمفعول مضاعف اشربي كل يوم كوباية من عصير الطماطم المطحون معاها حوالي تلات الى اربع ورقات من النعناع الاخضر ورشة ملح وعصرة ليمون، المشروب ده بيخلص البشرة من كل السموم المتراكمة تحت الجلد وبينقى البشرة جدا.
2- الكركم
اخلطي معلقتين صغيرين من مسحوق الكركم مع معلقة صغيرة من عصير الاناناس (يمكن استخدام العصير المعلب بس اللي من غير سكر) خلي العصير بارد عششان يمتص اي ورم في العين.
لما يبقى في شكل معجون سميك حطي براحة جدا حوالين العين وسيبيه لغاية ما يبدأ يتشرب ويجف لمدة عشر دقايق او ربع ساعة.
اغسلي وشك بالماية الباردة كويس من غير اي صابون او منظف لغاية ما تتخلصي من الماسك خالص.
جففي وشك براحة جدا بفوطة ناعمة او قطعة قماش مصنوعة من القطن بطريقة الطبطبة البسيطة مش بالدعك او الفرك.
كرري العملية كل يوم لمدة اسبوع لغاية ما تتخلصي من الهالات السوداء نهائيا.
ملحوظة: بعد استخدام الوصفة اللي تعجبك من الوصفتين دول، لازم قبل ما تنامي ترطبي تحت عينيكي بزيت اللوز الحلو بطبقة خفيفة حول العين وتسيبيه لغاية الصبح وبعدين تنظفي بششرتك عادي زي كل يوم.
وصفات التخلص من البقع الداكنة واثار الحبوب
ساعات كتير بيكون في اثار لبقع داكنة او بنية على البشرة بسبب الشمس او اثار حبوب قديمة بتعمل شكل مش حلو وبتبقى باينة حتى لو حاولنا نداويها بالمكياج بيكون لها اثر، والنهاردة معانا وصفتين للتخلص من اثار الحبوب والبقع دي اختاري الماسك اللي يعجبك واستخدمية على وشك ورقبتك واي مكان فيه بقع داكنة في جسمك.
1- ماسك الشوفان وعصير الخيار
المكونات:
اربع معالق كبيرة من دقيق الشوفان
عصير خيارة (اضربي الخيارة في الكبة او الخلاط وصفيها كويس اوي في قطعة شاش وخدي العصير ده استخدمية في عمل الماسك)
عصير نص ليمونة
معلقة صغيرة من عسل النحل
طريقة الاستخدام:
اخلطي المكونات كلها مع بعض كويس لغاية ما يبقى قوامه سميك شوية.
حطي طبقة سميكة من الماسك على وشك (ابعدي عن منطقة حوالين العين، وممكن تحطي من وصفة الهالات السوداء في اخر عشر دقايق قبل غسيل الماسك) وسيبيه يجف خالص لمدة نصف ساعة او ساعة الا ربع.
بللي اطراف صوابعك بالماية وابدأي في فرك الماسك براحة جدا عشان تقشري طبقة الجلد الميت واثار البقع الداكنة.
بعد م تفركي الماسك من على الوجه والرقبة اشطفي وشك كويس اوي وجففيه براحة.
اعملي الماسك ده يوم بعد يوم لمدة اسبوع او عشر ايام وحتتخلصي نهائيا من البقع الداكنة واثار الحبوب.
2- ماسك اللوز والحمص
المكونات:
عشر حبات لوز
نص كوب حليب
2 معلقة حمص الشام مطحونين خشن
معلقة صغيرة عس النحل
الطريقة:
انقعي اللوز في الحليب طوال الليل.
تاني يوم الصبح قشري اللوز واطحني اللوز مع الحليب في الخلاط.
اطحني الحمص واخلطية مع الحليب باللوز ومعاهم العسل واعملي منه معجون سميك شوية.
حطيه على وشك ورقبتك لغاية ما يجف خالص افركيه براحة بإيديكي المبلولة وبعدين اغسليه بالماية الفاترة.
وصفات تفتيح وتوحيد لون البشرة
اما بقى لتفتيح وتووحيد لون البشرة والتخلص من اثار الشمس والبشرة البرونزية او الداكنة فدي طريقتها سهلة لكنها محتاجة شوية تركيز والتزام بتكرار الوصفة كل يوم عشان يبان التأثير ووشك ينور في خلال الاسبوع ده.
1- الكاربوناتو وماء الورد
كل يوم قبل النوم اخلطي معلقة كبيرة من الكربوناتو مع معلقة كبير ة من ماء الورد ودلكي وشك كويس جدا بالخليط ده وركزي على الجبهة والوجنتين وعظام الفكين وكل الاماكن اللي اثار الششمس فيها، استمري في التدليك من 3 -4 دقايق وبعدين اغسلي وشك بالماية الفاترة.
2- ماسك الزبادي بالليمون والعسل
خدي معلقة كبيرة من الزبادي مع معلقة صغيرة من عصير الليمون ومعلقة صغيرة من عسل النحل، امزجيهم حلو مع بعض وحطيهم على وشك بالتساوي وسيبيه لغاية ما ينشف لمدة تلت سعة او نص ساعة، اغسلي وشك بالماية الفاترة كويس جدا.
اختاري ماسك من الاتنين اللي فاتو وكررية كل يوم لمدة اسبوع وحتلاقي بششرتك افتحت درجة الى درجتين.
اهم حاجة في الروتين ده ان قبل النوم تدهني البشرة كلها بزيت جوز الهند وحول العينين والشفتين بزيت اللوز الحلو واغسلي وشك تاني يوم الصبح بالطريقة المعتادة.
شوفي كمان ماسك سحرى لعلاج الرؤوس السوداء !
