موضة حجابك في عيد الفطر 2015

بقلميسرا خالد فيموضة وأزياء visibility1

من و احنا صغيرين و احنا بنستنى العيد من السنة للسنة عشان عارفين ان ده احلى وقت بنشترى فيه لبس جديد. لبس العيد دايما له فرحة خاصة غير اى وقت بننزل نجيب لبس فيه طول السنة و بنشوف حوالينا اشكال و موضة جديدة و الوان مشوفنهاش طول السنة. و عشان كل بنت بتحرص على شكلها جدا فى العيد و انها تكون مختلفة عن غيرها جايبنلكم يا بنات حوا قبل العيد بكثير لبس و موضة حجابك في عيد الفطر 2015 .تعالوا نشوفها مع بعض عشان تكونوا متميزين قبل اى حد .

1 – البولكا دوت او الدوائر الملونة

هى اللى كسبت المركز الاول فى العيد ده لانها جديدة على عنينا و نادرا ما هتلاقى حد عنده الالوان دى فى دولابه .  البولكا دوت هى البلوزات اللى فيها الدوائر الكبيرة الملونة و بتتلبس على الوان سادة اذا كان جيب او بنطلون عشان تخليها تبان اكثر

بولكا
بولكا

2 – الالوان البلوك

الالوان البلوك يعنى اللبس اللى بيكون فيه 3 الوان مختلفة عن بعض و لكن بيكونوا لايقين على بعض جدا بشرط ان كل واحد فيهم يكون واخد مساحة سادة لوحده فى القماش من غير اى نقوش . الستايل ده بيجذب العين جدا و من اهم مميزاته انه ممكن يتلبس فى اى ةقت صبح او بليل بعكس البولكا دوت اللى بيكون افضل لو نلبسه الصبح

بلوك
بلوك

3 – الالوان الكلاسيك و المربعات

و للبنات اللى بيحبوا يكونوا فى كامل اناقتهم فى اى مناسبة او وقت العيد ده نزل فيه اللبس الكلاسيك موضة و بيكون جاكيت بدلة كلاسيك على جيب و الوانه غامقة شوية و كمان فى منه موضة الجاكيت الكاروهات

كلاسيك
كلاسيك

4 – الفساتين الملونة موف و ازرق و روز

فى كل مكان هتروحوا فيه هتلاقوا الالوان دى الصيف ده و فى العيد الفساتين اغلبها هتنزل باللاوان دى لانها بناتى و رقيقة اوى و مفيش اتنين بيختلفوا عليها و بتناسب بليل و الصبح و كمان الموف و البينك و الازرق بيدخل مع اى الوان غامقة او فاتحة و بيخليها تجنن

فساتين
فساتين

5 – الكيمونو

الكيمونو هو نجم الصيف ده زى ما قولنالكم قبل كده فى بنات حوا و نزل منه فى اول الصيف الوان زاهية اوى و كلها ورد بس العيد ده هينزل منه الالوان الغامقة السادة

كيمونو
كيمونو

بنات حوا بتنصحك تنوعى فى ستايل لبسك و تجربى حجات مختلفة عشان تكونى متجددة كل يوم طول العيد و تبهرى الناس كلها