أفلام عيد الفطر 2015

بقلميسرا خالد فيمنوعات visibility4750

الأعياد دايما بتكون موسم الافلام الجديدة والمختلفة و بتحتل الافلام المصرية كل السينمات فى الوقت ده عشان تكون مناسبة لمعظم أذواق الناس. السينما بتكون اسهل مكان تقدر العائلات و الاصحاب يروحوه و يتجمعوا فيه عشان كده جايبنكلم احدث أفلام عيد الفطر 2015…

افلام عيدالفطر
افلام عيدالفطر

1- نوم التلات:

بطولة هانى رمزى و حسن حسنى و ايمان العاصى

في إطار درامي كوميدي بيحكى الفيلم عن موظف الشهر العقاري (هاني رمزي) اللي بيحب زميلته فى الشغل (إيمان العاصي) وبيتعلق بحبها، و بيحاول يرتبط بيها . لكنه عنده مرض نفسي نادر، بيخليه ينام من يوم الأثنين لحد يوم الأربعاء،  و ده بيتسببله في سرقة مكتب الشهر العقاري اللى بيشتغل فيه وبيحصله أزمات عصيبة، فبتحاول زميلته وزميله (هشام إسماعيل) مساعدته للخروج من الأزمات والإمساك بالسارق.

2- شد أجزاء:

بطولة: محمد رمضان, دنيا سمير غانم, وياسر جلال

لأول مرة محمد رمضان يظهر في دور الظابط, اللي في عصابة هتخطف مراته وهيفضل يطردهم طول احداث الفيلم, وهيدخل في مشاكل كتير لدرجة انه هيصبح مطارد من الشرطة.

3- باباراتزى:

بطولة رامى عياش و ميس حمدان و عزت ابو عوف و درة

بتحكى أحداث الفيلم عن بنت مصرية بتسافر إلى لبنان، وبتواجه خلال رحلتها الكثير من الصعوبات لحد لما بتقابل شاب لبناني بيحاول يساعدها تخرج من المشاكل دى، ومع الوقت بتتطور الصلة بينهما لعلاقة حب.

4- سكر مر:

بطولة ايتن عامر و احمد الفيشاوى و هيثم احمد ذكى

قصة خمس رجالة وخمس بنات بتربطهم علاقات عاطفية وشخصية، وازاى بيتأثروا بالظروف والتحولات اللي بيمر بها المجتمع في الفترة الأخيرة، وازاى بتتغير الشخصيات من النقيض إلى النقيض بشكل مش متوقع بسبب اللى يتعرضوا له من أحداث وصدمات في حياتهم.

5- حياتى مبهدلة:

بطولة محمد سعد و نيكول سابا

شاب (محمد سعد) بيعانى من قسوة الحياة بس فى الوقت نفسه بيعيش قصة حب من طرف واحد مع (نيكول سابا)، وبيحاول يلفت نظرها و يخليها تحبه ، ومن هنا بتحصل مواقف و احداث فى قالب كوميدي.

6- ولاد رزق:

بطولة احمد عز و احمد الفيشاوى

مجموعة من الاخوات بيسلكوا  طريق الجريمة على وعد قديم بينهم انهم يبطلوا في يوم ، لكن عملية واحدة فاشلة بتفجر الخلافات الى بينهم فبيسبهم اخوهم الكبير والعقل المدبر لهم، وبيقع الباقين في صفقة مرعبة مع تاجر مخدرات، و بيتعرضوا للخيانة، وبتطاردهم الشرطة بدون سبب معروف.