اجدد موضة أساور

بقلمسارة جمال فيموضة وأزياء visibility4195

انتوا عارفين إن مهما إنتي كنتي لابسه شيك ومتابعة آخر تطورات الموضة, مين غير الأكسسوارات اللوك عمره ما هيبان في أحسن صوره؟ الأكسسوارات دلوقتي بقيت بتلعب دور كبير وأساسي عشان تكمل طلتك..احنا اتكلمنا قبل كده عن موضة الخواتم و الساعات, النهرده هنتكلم عن موضة أساور.

الأكسسوارات  بقي فيها تنوع  من أول الحاجات البسيطة الرقيقة, للحاجات الضخمة الكبيرة وديه الموضة اللي بدأت تنتشر من السنة اللي فاتت ومكملة معانا لحد دلوقتي, بس برضه إنتي لازم تختاري الأكسسوارات اللي تليق بشخصيتك وتبقي مرتاحة وإنتي لبساها.

احنا جبنالك ألبوم رائع فيه أحلي تشكيلة موضة أساور, اتفرجوا و يا رب يعجبكم وتقدروا تستوحوا منه أفكار للوك جديد.

شوفي برضة إزاي تقدري تعملي الأسوار ده بنفسك في البيت وبأقل التكاليف.

نصايح بنات حوا ليكي عشان تحصلي على لوك مميز في موضة أساور:

1- اخلطي بين أكتر من نوع وتصاميم, هتلاقي معظم الصور اللي في الألبوم بيتبعوا دايما اللوك ده.

2- مش لازم لون الأسوار يكون نفس لون هدومك, بالعكس يفضل يكون لون لايك عليه, وبرضه ممكن تخلطي وتجمعي بين أكتر من لون.

3- لو لابسه بلوزه بكم واسع , يبقي حولي تبعدي عن الأكسسوارات الضخمة و حولي تلبسي الأكسسوارات الرقيقة البسيطة, والعكس صحيح.

4- جربي إنك تلبسي الأساور في نفس الايد اللي فيها الساعة, عشان تعرفي أكتر ممكن تقري عن موضة لبس الساعات الغير تقليدية

موضة الساعات
موضة الساعات