نصائح لتجنب الانتفاخ فى رمضان

عدد كبير من الصائمين بيأكلوا وجبات غذائية غنية بالدهون والسعرات الحرارية على الإفطار، الاكل ده  بعد ساعات طويلة من الصيام بيخلينا نشعر بعسر الهضم والانتفاخ وتكون غازات البطن، وخصوصا أن الصائمين بيأكلوا كميات كبيرة من الطعام دفعة وحده  وده بيسبب تراكم الغازات في البطن والشعور بالانتفاخ غير المريح للجسم.

أسباب الانتفاخ فى رمضان

اهم حاجة بتزود من الإصابة بغازات البطن ( الانتفاخ )،الاكل  بسرعة، وعدم المضغ كويس وده بيخلينا نبتلع الهواء بكميات كبيرة وده اللى بيساعد على الانتفاخ.

 بعض الأطعمة بيكون هو سبب رئيسى في الإصابة بالانتفاخ وخصوصا لو مش مطبوخة كويس، زى البقوليات واللبن، والجبن، ومنتجات الألبان الثانية، والآيس كريم، والمشروبات الغازية، برده  بعض النشويات بتسبب الغازات،زى المكرونة، كما أن البطاطس، والكرنب، والبروكلي، والبصل، والخرشوف برده من الخضراوات المسببة للغازات، إضافة إلى الفاكهة المجففة اللى بنعمل بيها الخشاف.

 الشخص الصائم ممكن توصله كثرة الغازات الى شعور كبير من الالم و صعوبة فى إخراجها  لدرجة أنها تمنعه عن الركوع والسجود بطريقة سليمة لأن الالام دى  نتيجة تقلصات البطن.

التخلص من غازات البطن

للتخلص من الانتفاخ وغازات البطن،بينصح الدكاترة المتخصصين، الصائم بتجنب الأطعمة الطبيعية اللى بتسبب الانتفاخ وكمان الأطعمة المعالجة خصوصا اللي بيكون فيها اللاكتوز، والتقليل من تناول المخللات والأطعمة الدسمة.

 الخبراء في مجال التغذية بيأكدوا لبنات حوا ، انه كلما كان الاكل أقل دسماً كلما ريح المعدة، إضافة إلى تغيير عادات الاكل غير الصحية زى المضغ والفم مفتوح أو تناول الطعام بسرعة أو تناول المشروبات بالشاليمو فكلها تؤدي إلى ابتلاع هواء اكثر

أما في حالة إصابة الصائم بالانتفاخ، فيكون احسن ميأخدش الأدوية، ويستخدم بدائل طبيعية من الاكل والمشوربات زى الكمون والنعناع والينسون، والبابونج، والكراوية، والقرفة، و الكزبرة، ومشروب الحلبة، والزنجبيل (مشروب أو جزء من الاكل)، والجرجير، والرمان، والزعتر، وعصير البرتقال والأناناس.

نصائح لجنب مشكلة الانتفاخ

لازم نقسم وجبة الإفطارإلى وجبتين، ويكون بينهم ساعة على الأقل،  الوجبة الأولى يكون فيها التمر واللبن بالإضافة إلى الشوربة والسلطة الخضراء. الوجبة الثانية يكون  فيها المقبلات والطبق الرئيسي