توافق برج الحوت مع الأبراج التانية
الحوت برج بيميل للرومانسية والخيال, حنين وحالم و مش بيحب يحتك بالواقع و زى ما اتعرفنا قبل كده على مميزات و صفات رجل الحوت و انثى برج الحوت جايبنلكم معلومات هتحبوا تعرفوها عن مدى التوافق بين مواليد برج الحوت و الابراج الثانية…
الحوت مع الأبراج التانية من أنجح علاقاته بتكون مع (السرطان، العقرب، برج الثور والجدي) ومن أصعبهم واللي بتكون محتاجة شغل وصبر عشان تنجح (الجوزاء والقوس).
1- برج الحوت والحمل:
الحمل واثق من نفسه ومباشر وشخصيتة بسيطة مقارنة بالحوت, العلاقة ممكن تكون موزونة عشان احتياج الاتنين لبعض, الحمل بيعتمد على حساسية ورقة الحوت لما يكون محتاج ملاذ من وقت للتاني انه يرتاح من المنافسة اللي على طول بيبقي عايش فيها, والحوت بيعجب قوي بحماس الحمل وجرأته وصراحته.
الحوت عنده قدره العطاء وانكار النفس عالية على عكس الحمل اللي ممكن من غير قصد يلاقي نفسه بيستغل كرم الحوت, الحمل اوقات صراحته الزياده ممكن يقول حاجات تضايق الحمل وده بيبقي من غير قصده تماما.
نوع العلاقة: التفاهم مابينكم صعب إلى حد ما, وفيه احتمال انه يحصل مابينكم اختلافات كبيره, العلاقة محتاجه مجهود جامد من الطرفين عشان تنجح وتكمل.
2- برج الحوت والثور:
مولود الحوت مش بيقدر يفهم نظرة مولود الثور المادية للحياة. لكنه عارف انه ممكن يعتمد على مولود برج الثور و ده بيوفرله الاستقرار اللى بيحتاجه للحفاظ على نفسه من الانزلاق بعيد في بحر من الأوهام. برج الثور النشيط جدا بيعتبرقدوة للحوت الكسول . في الحب، الثور مخلص متفان والحوت معجب هائم. البرجين دول مناسبين عاطفيا جدا فالثور عاطفي انفعالي والحوت حساس.
نوع العلاقة: عندكم تناغم وتعاون وفيه بينكم حاجات كتيرة مشتركة, بتقدروا بعض ومن السهل جدا انكم تنجحوا مع بعض عاطفيا.
3- برج الحوت والجوزاء:
درجة الرومانسية بين الجوزاء والحوت عالية اوى لكن برده فى تناقض كبير بينهم. يتأذى مولود الحوت الحساس بسهولة من مولود الجوزاء الطائش. مولود الجوزاء ماكر ولعوب، في حين أن مولود الحوت حساس وبيتعامل مع الأمور من قلبه. كل منهما بيمارس الخداع فالجوزاء ينافق، في حين أن الحوت مش بيتعامل مع الحقيقة. الجوزاء عايز الحرية والحجات الجديدة. وبيحتاج الحوت إعجابا غير منته ومش بيقدر مولود الحوت انه يحس بالأمان مع الجوزاء اللى مغامراته كثيرة
نوع العلاقة: علاقة صعبة جدا واختلاف كبير! لازم محاوله للتغيير والمرونه من الطرفين, ولازم الجوزاء يظهر صبر على الحوت ويساعده ويسهل عليه انه يظهر مشاعره ويطلع اللي جواه في نفس الوقت يحاول شويه بشويه انه يحس أكتر بالجزء العاطفي اللي عند الحوت.
4- برج الحوت والسرطان:
مولودا السرطان والحوت هما زوج رقيق وحساس. مولود الحوت حالم متخيل ولكن السرطان متخيل عامل و هما الاتنين مع بعض يقدروا تحويل الأحلام إلى حقيقة. بيقدم الحوت الرومانسية في حياة السرطان، ومولود السرطان هو المحب الحامي اللي بيحتاجه الحوت. هما الاتنين عاطفين، ومخلصين بشكل كبير وحساسين لمزاج التانى. منسجمين عاطفيا جدا في العلاقة العاطفية.على الرغم من التوافق الشديد لازم السرطان هو اللى يقود العلاقة لأن ساعات الحوت بيجرى وراء شهواته و احلامه
نوع العلاقة: علاقة مثيره وناجحة , بينكم تفاهم قوي وكافي وبينكم اختلاف بيجذبكم لبعض ويخلي علاقتكم كلها اثارة.
5- برج الحوت والاسد:
الفرق الأساسي ما بينهم إن الحوت مش عنده شعور الفخر بالنفس, الطموح وانه يكون مميز والناس مهتمة بيه, الحوت عمره ماهيدخل منافسة مع الأسد وعمره ماهيحب انه يبقي في دايرة الضوء على عكس الأسد طبعا.
الحوت رقيق, طيب وأكترعاطفية وحساسية في العلاقات, الحوت بيتعامل أكتر بالاشارات والاحاسيس أكتر من الكلام المباشر وده بيخليه غامض وغير مفهوم بالنسبه للأسد الواضح المباشر اللي لما شريكه يعوز منه حاجة, الافضل انه يطلبها بوضوح وصراحة.
اخر حاجة هي إن الأسد ممكن وبمنتهي السهولة يسيطر على مشاعر الحوت, وده ممكن يؤدي لتعاسة الحوت في النهاية…
نوع العلاقة: علاقة صعبة جدا واختلاف كبير! لازم مجهود جامد ومحاوله للتغيير والمرونه من الطرفين.
6- برج الحوت والعذراء:
الحب بالنسبة لمولود العذراء معناه الأمان والتوافق الفكري لكن بالنسبة لمولود الحوت العاطفة العارمة القوية . بينجذب العذراء بقوة للحوت بتكون معظم مشاكلهم تخص العاطفة عشان الحوت بيستفز العذراء بعقله التحليلي الصارم اللى مش بيفوت اى تفاصيل. و النتيجة بتكون خيبة الأمل بين الحوت المسرف الكتوم والعذراء الحالم، النشيط والمنضبط. بيكون صعب أن يتأقلم العذراء مع رغبات الحوت بشكل عام.
نوع العلاقة: البرجين بينهم أختلاف, محتاجين وقت ومجهود عشان تعرفوا تتفاهموا, وفيه أحتمال كبير للمشاكل مابينكم.
7- برج الحوت والميزان:
نوع العلاقة: متناقضين بس لو انجذبتوا لبعض بيكون في تأثير مغناطيسي قوي وبيبقي صعب انكم تحددوا إيه سبب الإنجذاب, محتاجين شغل جامد عشان العلاقة تستمر.
8- برج الحوت والعقرب:
هما الاتنين حساسين، عاطفيين وفى تقارب وتفاهم وعمق مشاعر صعب انهم يلاقوه مع الابراج التانية، علاقتهم رومنسية بامتياز وفيها تناغم كبير وفريد.
الحوت حنين جدا، و مش بيحكم على العقرب وبيقدر وبيفهم مواقفه وردود افعاله وديه حاجة كأنها بلسم لمشاعر العقرب اللي هو أكتر عاطفية ومشاعرة ديما جياشة وغالبا بيبقي عنده شعور بالذنب أو صراعات داخلية وألم.العقرب شخص اقوي من الحوت، وفيه اوقات بيبقي ساخر أو عنده نزعة انتقامية وده ممكن يجرح الحوت بعمق. الحوت شخصيته ارق نوعا ما ومش بيعرف يحصن نفسه ضد أي كلام أو مواقف معادية، وبيكره المواجهه وعموما هو أكتر تسامح من العقرب. لكن في الأساس، علاقتهم متوافقة تماما وكلها وفاء وانسجام قوي.نوع العلاقة: علاقة قوية وناجحة مليانة بالتناغم والتفاهم في التصرفات والمشاعر وشوية الاختلافات اللي ما بينكم بتخلق نوع جميل من الاثارة.
9- برج الحوت والقوس:
انتم الاتنين ثنائى مستقل . بيحب جدا القوس انه يساعد شريكه الحوت انه يحول احلامة لحقيقة و لكن صراحته وانتقاداته اللاذعة ممكن تجرح مشاعر شريكه .الاتنين بيحترموا حرية و حدود بعض. المضحي والمتنازل عن حقه في اغلب الاحيان هو الحوت. كمان رغم حبه الكبير والعميق لشريكه القوس لكن ممكن يعاني كثيرا من برودته لان القوس مش رومنسي اوى
نوع العلاقة: أنتم عندكم حاجات حلوه بتجمعكم مع بعض بس مفيش نسبة عالية من التفاهم, انتوا لازم تتعلموا إزاي تحترموا الاختلاف وإزاي تقدروا تظبطوا العلاقة والموضوع محتاج شوية مجهود.
10- برج الحوت والجدي:
نوع العلاقة: أنتم عندكم حاجات حلوه بتجمعكم مع بعض بس مفيش نسبة عالية من التفاهم, انتوا لازم تتعلموا إزاي تحترموا الاختلاف وإزاي تقدروا تظبطوا العلاقة والموضوع محتاج شوية مجهود.
11- برج الحوت والدلو:
هما الاتنين شخصيات مرنة و افكارهم متفتحة على الحياة لكن بيواجهوا مشكلة ان الحوت عاطفى جدا وبيفكر بقلبة بشكل اكبر بكثير من الدلو الهادى الطباع . الحوت دايما شخص حساس بيفكر فى مشاعر الاخرين و بيحس بآلامهم بعكس الدلو اللى بيركز فى الجانب العقلاني اكثر و فى الافعال مش الاحاسيس. الدلو بيكون مش مرتاح فى العلاقة دى بسبب حساسية الحوت و مشاعره الجياشة اللى بتخليه دايما محتاج للحب و الحنان والامان من الدلو اللى مش بيعرف يوفرله ده ساعات.
نوع العلاقة: علاقة صعبة جدا واختلاف كبير! لازم محاوله للتغيير والمرونه من الطرفين.
12- برج الحوت والحوت:
فى حب كبير بيجمع بينهم. كل واحد منهما بيعكس شخصية التانى و ده اللى بيقربهم اكثر من بعض وبيخلى التوافق سيد الموقف بينهم. بيفهم كل منهم ميول التانى بس مش بيتدخلوا كثير في شؤون بعض. الاحترام شيء أساسي ومقدس في العلاقة دى. حياتهما اليومية شوية. لو كانوا في مجال الفن بيت بعواطفهما يقدروا يبدعوا مع بعض، و كمان بيعملوا الأعمال الخيرية كثير سوا. الاخلاص العلاقة دى رائع ونادروالاهم من كل دة هو سعي كل واحد فيهم انه يرضى التانى عشان يبقى الحب هو الغالب.
نوع العلاقة: قوية جدا! لأنكم بتبقوا فاهمين بعض كويس قوي كأنه كتاب مفتوح… بتشاركوا بعض علاقة كاملة وسعيدة.في النهاية حابين نقولكم إن موضوع الأبراج مش لازم ينطبق علي كل الناس زي بعض وبنفس النسبة عشان كده لو فيه بينكم مش بينطبق عليه الكلام ده, ده شيء طبيعي جدا. احنا قدمنا المقارنة من من جانب واحد بس, لكن في الحياة فيه جوانب تانية كتيرة جدا بتأثر في العلاقة احنا متأكدين طبعا انكم بتاخدوا بيها في حكمكم, وفيه في العالم علاقات كتيرة جدا ناجحة بين كل علامات الأبراج, لأن اهم حاجتين ممكن ينجحوا أي علاقة هما (الحب والتفاهم)…
