8 نصايح لتجنب الشعور بالعطش في شهر رمضان

تتساوى اهمية وجبة السحور مع أهمية وجبة الفطار في رمضان، لو كانت وجبة الفطار بتُساعدك على إستعادة نشاطك المفقود بسبب الصيام، فوجبة السحور هتُساعدك على تحمل مشقة الصيام وتمدك بالقوة والنشاط. و من الحجات المهمة اللى لازم نعرفيها أن وجبة السحور بتُساعد على الوقاية من الصداع وحالات الإعياء وبتُحافظ على مستوي السكر في الدم وسلامة الجهاز الهضمي.

وعشان يكون عندنا أكبر قدر من الطاقة في نهار رمضان وأطول مدة من النشاط  عشان نقدر على الشغل و الأعباء اليومية أثناء الصيام، هيكون أحسن لو تم تأخير السحور بقدر الإمكان لحد الفجر ولازم تكون وجبة السحور وجبة غذائية متكاملة من حيث العناصر الغذائية ويكون فيها الكربوهيدرات والبروتين والخضروات ودهون قليلة

من الاحسن أن  وجبة السحوريكون فيها  أطعمة من النوع اللي بيقعد في المعدة فترة طويلة ما بين 7-9 ساعات زى الألياف والكربوهيدرات بصفة أساسية ( واللى تعتبر من أكثر العناصر اللي بتحتاج إلى وقت عشان يتم هضمها ) خصوصا الفول والبقوليات بصفة عامة عشان تُقلل الفترة اللي بنحس فيها بالجوع وبرده تُقلل من الشعور بالعطش.

شوية نصائح اللي بتُقلل من الشعور بالعطش في شهر رمضان و بتخليكى تحافظى على نشاطك:

1- تناول الألبان ومنتجاتها على السحور زى الجبن والزبادي واللبن لأنها بتُساعد على الإحتفاظ برطوبة الجسم.

2- تناول الخضروات الطازجة كالطماطم والخس والخيار والجرجير.

3- تناول الفواكه الطازجة كالتفاح والبطيخ والكمثري والجوافه.

4-لازم نبعد عن أكل الأطعمة الحارقة والحادقة لأن فيها كمية كبيرة من الصوديوم اللي بيُحفز الشعور بالعطش وبيزود من قدرة الجسم على الإحتفاظ بالسوائل فبيسبب زيادة وهمية في الجسم.

5-لازم نشرب كمية كافية من الماء ما تعادل (2-3 لترات) في الفترة ما بين الفطار والسحور.

6-بلاش نأكل الحلويات كثير في فترة ما بين السحور والفطار. ونتجنب أكلها على السحور لأنها بتزود من الأحساس بالعطش.

7- احرصى على تناول من تمرة إلى ثلاث تمرات قبل السحور لأنه بيُقلل من العطش طوال اليوم.

8-بلاش نزود من المشروبات الحمضية في السحور مثل عصائر الليمون والبرتقال.