الرومانسي: رجل برج الحوت

بقلميسرا خالد فيبرج الحوت visibility17541

كريم, عاطفي, عنده هدوء وعمق, هو رجل برج الحوت.. لو جيتى تتكلمى مع الرجل الحوت هتحسى انك قدامك شخصية فى قمة الرومانسية و الحنان و صفاء القلب . رجل برج الحوت من اكثر الرجال طموحا و مش بيسكت غير لما يحقق احلامه كلها. اقرأى عن اهم صفات الرجل الحوت اللى  هو من مواليد 19 فبراير-20 مارس.

رجل برج الحوت
رجل برج الحوت

1- طموح:

أنتى فعلا محظوظة لو زوجك او خطيبك من مواليد برج الحوت  لأنه عنده القدرة على النجاح و المثابرة و هتكون حياتك كلها نجاح وثراء فالرجل الحوت  عنده القدرة انه يحقق كل احلامه مهما كانت صعبة  و ده بيرجع  لحزمه وإرادته وبعد نظره، و هو مش رجل ضعيف ابدا و محدش يقدر يكسر ارادته و اللى هيستخدمها دايما فى اسعادك و انه يلبيلك كل طلباتك.

2- مستمع جيد و كاتم للاسرار:

لو فى فى حياتك رجل حوت هتلاحظى دايما انه لا يمكن ييقول رأيا غلط أو غير منطقى بالعكس دايما  عقله رزين و بينصحك بنصائح رائعة وجاهز دائما لحل المشاكل . عمره ما هيحكم على حد او يقول رأى سلبى فيه مهما كان الشخص ده كبير او صغير  و ده بيخلي الناس دائما ترجعله للنصائح  و تثق فى رأيه.  بيحفظ السر كويس اوى حتى لو متطلبتيش منه ده.

 3- حساس و كتوم:

عنده حساسية كبيرة لأى مشكلة او موقف بيحصل فى حياته او حواليه  ، و ممكن ده ميبنش على وشه و ده بيخليه يبعد عن الأصدقاء اللى بيتدخلوا فى حياته بزيادة والجيران اللحوحين لأنهم بيزودوا من معاناته و عدم راحته. رجل الحوت لما بيشعر بالحزن عمره ما هيتكلم و هيدارى كل مشاعره الحزينة و همومه حتى عن اقرب الناس ليه.

4- كثير الشرود:

الحوت رجل كثير الشرود و هتلاقيه سرحان دائما و بيفكر كثير و فى دنيا تانية بس دى حاجة متخلكيش تقلقى لأن ده طبع شخصيته الغامضة اللى بتعيش فى الخيال. ولا  تقلقى من تصرافته اللى بيبان فيها مسرف احيانا و بتخليه ميحفظش على ممتلكاته و يضيعها  ، وهنا بييجى دورك فى ترتيب أموره لأنه بيحتاج الست اللى ترتب معاه حياته و توجهه احيانا للصح و ازاى يحافظ على موارده

5- حنون و عاشق:

بيتميز الرجل الحوت انه حنون جدا و قلبه طيب بدرجة غريبة لدرجة انه ممكن يهمل فى صحته الجسدية و النفسية عشان يسعد الناس اللى بيحبها . الرجل الحوت ميقدرش يعيش من غير حب و بتكون حبيبته محور حياته اللى ممكن يجبلها نجوم السما لو طلبتها . لو فشل فى اى علاقة بيحاول يدور على علاقة ثانية لأن فكرة الحب بالنسباله معناها الامان و الثقة بالنفس و بيحتاج ست جمبه دايما تملأ حياته و تشجعه على النجاح و تستحمل احيانا مزاجه المتقلب.

6- خجول و مش اجتماعى:

فى المناسبات الاجتماعية بيكون هو اكثر واحد ساكت و ده عشان هو مش بيحب يلعب دور القائد و مش بيعرف يتكلم مع ناس مش بتشاركه نفس اهتمامته . ممكن يتجرح بسرعه جدا و بسهولة و دايما بيطلب من اللى حوليه انهما يشجعوه و يدوله ثقة بنفسه لانه بيعتقد انه اى حاجة بيعملها مش كفاية و ده بيخليه ميكونش واضح فى الاجتماعيات.

 رجل برج الحوت بيمتاز بأنه جنتل مان و بيعامل البنت كأنها أميرة لأنه زوق و رقيق جدا لو عرفتى تحصلى على ثقة الرجل الحوت هيقدملك حياته كلها و هيحققلك كل امانيكى و مش هيبخل عليكى بأى حاجة.

اقروا كمان: الحساسة الرقيقة انثى برج الحوت

توافق برج الحوت مع الأبراج التانية