أهم 5 أسباب لجاذيبة برج السرطان!

بقلمسارة جمال فيبرج السرطان visibility26847

البرج العاطفي الخجول الحساس… برج السرطان, هما أشخاص عاطفيين جدا, بيحبوا يرعوا ويهتموا باللي حواليهم وفي نفس الوقت بيستمدوا طاقتهم من شعروهم بالحب.. رومانسيين لدرجة النكد احيانا  :) بيتوتيين قوي ويحبوا لمة العيلة والصحاب القدام و يعشقوا الذكريات.. مواليد برج السرطان من 21 يونيو لحد 22 يوليو

يلا نعرف إيه أهم 5 أسباب لجاذيبة برج السرطان!

1- محب بلا مقابل:

اكتر برج عاطفي على الاطلاق, يهتم ويرعى شريك حياته, بيدي من غير مقابل حتي لو جيه على راحته, بيعتبر إن سعادة شريكه ديه أهم مسئولية في حياته ,أهم حاجة عنده إنه يشعر بالصدق في مشاعر شريكه ليه..

2- صديق وفي:

السرطان صديق وفي, بياخد باله من أصحابه, دايما بيسأل عليهم, بيخاف عليهم, وهما من كتر أهتمام السرطان وعطفه بيبقي أول شخص يجي في بالهم لما يكونوا محتاجين نصيحة أو رأي , السرطان صداقته كنز ميتعوضشي.

3- مبدعين:

كتير قوي من الفنانين العظام بتوع زمان ودلوقتي من برج السرطان, مبدعين وعندهم حس فني عالي, حبنا نجيبلكم بس عينة من مشاهير البرج:

  • عبد الحليم حافظ
  • الاميرة ديانا
  • توم كروز
  • محرم فؤاد
  • نيلسون مانديلا
  • أحمد عدوية
  • نيكول سابا
  • صلاح قابيل
  • هاني سلامة
  • حسن شحاتة
  • توم هانكس
  • يوسف وهبي
  • عبد الله الرويشد
  • وردة الجزائرية
  • زين الدين زيدان
  • زوزو نبيل

4- كتاب مفتوح:

السرطان كتاب مفتوح, ممكن بس من تعبيرات وشه تعرف هو بيفكر في إيه وحاسس بإيه دلوقتي, عمره مابيعرف يجامل, يخبي, ينافق حد أو يكدب, قلنا قبل كده إن صحابه بيلجأوا ليه للمشوره والنصيحة لانهم عارفين كويس قوي انهم هيسمعوا الحقيقة.

5- الحدس:

السرطان قلبهم كبير وبيعرفوا يوصلوا لقلوب الناس القريبة منهم, شريكهم, اصحابهم , أو عيلتهم.. عشان السرطان الإحساس عنده قوي, الحدس عنده كمان قوي جدا, ممكن يشعر بمشكلة جايه ليه أو لحد قريب منه من قبل ماتحصل, واحلي حاجة فيه انه بيكون عنده حلول للمشاكل ديه من قبل ماتحصل لانه بيكون حاسس بيها ومتوقعها من الأول. 

في النهاية حبين نقول إن لوفيه في حياتك شخص سرطان سواء حبيب أو صديق, لازم ترعي وتهتم بيه لانه فعلا كنز ربنا بعتهولك, لازم تقدره وتحسسه إن حياتك وهو معاك أحلي بكتير لو من غيره لانه حد ميتعوضشي.

اقروا كمان الأكثر عاطفية: انثى السرطان!

العاطفي الشهم: رجل برج السرطان

اتعرفوا معانا علي توافق برج السرطان مع الأبراج التانية!