دبابيس الديك الرومي المشويه

بقلمسارة جمال فيوجبات رئيسية visibility2498

أهلا بكم في مطبخ بنات حوا, النهاردة العشا خفيف ولذيذ وطريقة جديدة لتقديم دبابيس الديك الرومي المشوية. الطريقه تنفع برده مع دبابيس الفراخ بس احنا بنفضل الديك الرومي عشان اكبر.

يلا نبدأ

المكونات:

10 دبابيس ديك الرومي 4 ليترات الماء 1 كوب ملح 1 كوب سكر بني 2 ملاعق طعام من مزيج التوابل 1 ورق لوره 2 ملاعق طعام من مسحوق الفلفل الحار 2 ملعقة بابريكا 2 ملعقة بصل بودره 1 كوب بقسماط

الطريقة

1- أول حاجة اغسلي الدبابيس بالمياه والخل

دبابيس الديك الرومي

2- في وعاء، اخلطي الماء مع الملح والسكر البني، والتوابل و ورقة اللوره , و حطيه على النار ليغلي وبعد كده ارفعيه وسيبيه يبرد.

دبابيس الديك الرومي

3- يصب في وعاء كبير، اغمري دبابيس الديك الرومي فيه وغطيه و يترك في الثلاجة لمدة من 4 إلى 6 ساعات، ولو مش مستجعله وينفع تسيبه أكتر لمدة 12 ساعة يبقى أحسن.

نقع الدبابيس

4- سخني الفرن إلى 400 درجة. اخلطي البقسماط ومسحوق الفلفل والبابريكا والبصل البودره عشان نعمل خلطه الشوي, و نطلع الدبابيس من التلاجه ونشطفهم بماية بارده و نسيبهم ينشفو وبعد كده نفركهم كويس قوي بخلطه الشوي ونركز في الاجزاء اللي تحت الجلد.

تتبيل الدبابيس

5- رصيهم في صينية ودخليهم الفرن لمدة 20 دقيقة, وبعد كده شغلي الشواية على درجة 300 لمدة 15 دقيقة كمان.

توضع بالفرن

6- طلعيها من الفرن وسيبيها تبرد وبعدين لفي الجزء اللي تحت بتاع الدبوس بالفويل.

تلف بالفويل

تقدم ساخنة وبالهنا والشفا.