سلطة التاكو المكسيكية اللذيذة

سلطة التاكو المكسيكية انتشرت فى مطاعم كثير فى مصر و ده لأنها خفيفة و طعمها رائع و كمان فيها مكونات غذائية كثيرة و متنوعة و صحية جدا و مناسبة ليكى لو بتعملى رجيم و زهقتى من انواع السلطات العادية اللى مفيهاش تجديد  و بتعتبر طبق جانبى بيفتح النفس جدا كمان جمب الاطباق الرئيسية  او  نوع من انواع مقبلات الرائعة اللى مفيش حد بيجربها الا لما بتعجبه و طعمها سويت اند ساور او حادق و حلو فى نفس الوقت. احلى حاجة فى الصوص ده انه ممكن لو فى باقى منه بيتأكل مع اى حاجة تانية و بيتعمل بيه وصفات تانية كثيرة . بنات حوا جايبلكم الطريقة السهلة جدا للسلطة دى اللى هتخلى كل اكلكم فى البيت كأنكم فى مطعم بالظبط تعالوا نشوفها مع بعض

المقاديـــــــر :

4 حبة كبيرة طماطم ، مفرومة ناعمة جدا

¼ كوب سكر بني

½ ملعقة صغيرة ملح

2 ملعقة كبيرة زيت ذرة

½ كوب خل

3 فص كبير ثوم، مهروس

1 ملعقة صغيرة كمون

½ ملعقة صغيرة فلفل اسود

السلطــــــة : 

2 كوب خس ، مفروم

1 حبة متوسطة فلفل اخضر حلو، مفروم

1 كوب ذرة ، مسلوق

1 كوب فاصوليا حمراء، مسلوقة

1 كوب جبن شيدر، مبروش

للتقديــــــم : 

تاكو شيبس و ده بيكون موجود جاهز فى اكياس فى السوبرماركت

الطريقــة : 

في حلة متوسطة الحجم  هنحط الطماطم ، السكر، الصلصة، الملح، الزيت، الخل ، الثوم، الكمون والفلفل، قلبي لتختلط المكونات  كويس ،ضعي الحلة على نار متوسطة وقلبي إلى أن تغلي الصلصة

غطي الحلة وسيبى الصلصة تطهي على نار هادئة 20 دقيقة، سبيها تبرد تماما

قبل التقديم ..

  هنجيب طبق تقديم واسع، وزعي الخس ، الفلفل، الذرة ، الفاصوليا والجبن، وزعي الصلصة وقدمي مع التاكو ..

ملحوظة : ممكن تزودى قطع صغيرة جدا من الفراخ المشوية مع خليط السلطة و ده بيزود قيمتها الغذائية و ممكن نأكلها كطبق خفيف على العشاء او طبق لوحده من غير طبق رئيسى لأنه كده هيكون بيحتوى على كل العناصر النشويات و البروتين و الخضروات و كمان البقول