ستايلات حجاب صيف 2015

يسرا خالد
يسرا خالد
4743

مفيش اجمل من انك تكونى محجبة و كمان انيقة و دايما تواكبى الموضة . كل واحدة محجبة ليها الستايل اللى بيريحها فى اللبس و بيكون معاها طول السنة و فى وسط دوشة الحياة و الشغل و المسئوليات بننسى نفسنا و بنكتشف بعد فترة ان مفيش اى تجديد فى شكلنا و لا بنكون عارفين اى موضة جديدة او الوان جديدة . لازم نغير من شكلنا و نحاول على قد ما نقدر نواكب الموضة لأن ده بيأسر على نفسيتنا و حبنا لنفسنا و شكلنا و بيخلينا دائما متميزين قدام الناس اذا كان وسط اصحابنا او اهلنا او حتى فى الشغل . الصيف السنة دى كله ورد فى ورد و الوان فاتحة و جميلة و نقوشات مختلفة و اشكال جديدة تعالوا نشوفهم مع بعض

1- الكيمونو

الصيف السنة دى بيقدملنا ستايل جديد بيشبه الكارديجان اللى متعودين عليه و بنستخدمه فى لبسنا دايما لانه سهل و مريح لكن المختلف فيه انه دلوقتى بيكون فيه شراشيب جميلة اوى بتخليكى شكلك رائع و خصوصا لو استعملتى الاكسسوارات المناسبة و فى كمان منه نوع طويل اوى بيوصل للارض و احلى حاجة فيه انه بيتلبس على اى حاجة بيحليها اذا كانت جونلة – جيب او بنطلون . الجميل فيه كمان انه هيناسب كل الاحجام يعنى مش لازم تتعبى و تلفى عشان تلاقى مقاسك لو كنتى مليانة شوية لانه واسع و جميل

كيمونو
كيمونو

2-  الفستان الواسع

مين فينا مش بيحب الحاجة اللى مريحة و شكلها حلوة و متأخدش وقت كثير فى اللبس ؟ الفستان جايلكم السنة دى فى اجمل الوانه اللى كلها ورد و السادة كمان و بيكون شكله شبه العباية بس اجدد و ارق و محتشم جدا هيناسب حجابك . احلى حاجة فى الفستان انك ممكن تلبسيه فى اوقت و اى مناسبة .

فستان
فستان

3- الجيب

مينفعش دولابك ميكنش فيه جيب السنة دى لأن الوانها و اشكالها مش ممكن تقاوميها , فى قصات كثيرة هتناسب شكل جسمك و هتدارى العيوب كمان و فى منها اللى ماسك شوية الواسع و برده نقشاتها زى الفستان ورود او سادة و فى منها كمان اللى بيكون متزين بفيونكة كبيرة جميلة .

جيب
جيب

مقالات متعلقه

بالصور أفكار تنسيقات ستايلات محجبات للسفر مريحة وعملية

بالصور أفكار تنسيقات ستايلات محجبات للسفر مريحة وعملية

دليل الحجاب: الستايلات المختلفة للفات الحجاب وازاي تلبسيها

دليل الحجاب: الستايلات المختلفة للفات الحجاب وازاي تلبسيها

ستايلات ملابس رياضية للمحجبات من موضة الـ SWEAT SUITS 2019

ستايلات ملابس رياضية للمحجبات من موضة الـ SWEAT SUITS 2019