لعشاق القهوة طريقة عمل الفرابتشينو في البيت

أنجي سليمان
أنجي سليمان
13400

لكل عشاق القهوة وهما اكيد كتير معانا النهاردة مشروب يعرفه كل اللي بيحب القهوة وبنطلبه كلنا في الكافيهات بأسعار خيالية وهو الفرابتشينو من احب والذ المشروبات اللي بتدخل فيها نكهة القهوة القوية المنعشة، شوفي معانا بالصور ايه هي طريقة عمل الفرابتشينو واستمتعي بشربها وبمذاقها القوي الجميل بعد الفطار

خطوات و طريقة عمل الفرابتشينو

المقادير

  • معلقة كبيرة مليانة بودرة نسكافية
  • كوباية ماية مغلية
  • نص كوباية حليب كامل الدسم او منزوع الدسم زي ما تحبي
  • معلقة صغيرة فانيليا سايلة او كيس فانيليا بودرة
  • ربع كوباية حليب مكثف محلى
  • كوب من مكعبات الثلج

للنكهات اختاري النكهة اللي تعجبك

  • معلقة كبيرة من صوص الشيكولاتة السايل لنكهة الموكا
  • معلقة كبيرة مليانة من الشيكولاتة المبشورة لنكهة الشيكولاتة مع قطع الشيكولاتة
  • معلقة كبيرة من صوص الكراميل لطعم الكراميل

كريم شانتية وصوص شيكولاتة او كراميل للزينة والتقديم

طريقة التحضير

  • دوبي معلقة النسكافية في كوباية الماية السخنة كويس جدا ودخليها الثلاجة نص ساعة
القهموة الباردة
القهموة الباردة
  • في الخلاط اضربي كوباية النسكافية مع نص كوباية من الحليب
طريقة عمل الفرابتشينو 1
طريقة عمل الفرابتشينو 1
  • زودي الفانيليا
فانيليا سايلة او كيس فانيليا عادي
فانيليا سايلة او كيس فانيليا عادي
  • ضيفي الحليب المكثف
ربع كوب حليب مكثف للتحلية
ربع كوب حليب مكثف للتحلية
  • اخلطيهم وبعدين حطي مكعبات الثلج
طريقة عمل الفرابتشينو 2
طريقة عمل الفرابتشينو 2
  • اخلطي كويس جدا لغاية ما الثلج كله يتكسر تماما
شكل المشروب بعد تكسير الثلج
شكل المشروب بعد تكسير الثلج
  • ودلوقتي ضيفي النكهة اللي بتحبيها صوص الشيكولاتة للموكا
صوص الموكا
صوص الموكا
  • الشيكولاتة الخام
قطع الشيكولاتة
قطع الشيكولاتة
  • او معلقة من صوص الكراميل
  • اخلطي مرة تانية وبعدين صبيه في الاكواب وزينية بالكريم شانتيه والصوص وقدميه مثلج

مقالات متعلقه

فتحي بشرتك باستخدام القهوة سريعة التحضير

فتحي بشرتك باستخدام القهوة سريعة التحضير

اضرار وفوايد الكافيين وازاي تستفيدي منه

اضرار وفوايد الكافيين وازاي تستفيدي منه

ازاى القهوة بتأثر على جسمك و عقلك فى 6 ساعات بس من وقت ما تشربيها!

ازاى القهوة بتأثر على جسمك و عقلك فى 6 ساعات بس من وقت ما تشربيها!