لعشاق القهوة طريقة عمل الفرابتشينو في البيت
في
مشروبات
13400
لكل عشاق القهوة وهما اكيد كتير معانا النهاردة مشروب يعرفه كل اللي بيحب القهوة وبنطلبه كلنا في الكافيهات بأسعار خيالية وهو الفرابتشينو من احب والذ المشروبات اللي بتدخل فيها نكهة القهوة القوية المنعشة، شوفي معانا بالصور ايه هي طريقة عمل الفرابتشينو واستمتعي بشربها وبمذاقها القوي الجميل بعد الفطار
خطوات و طريقة عمل الفرابتشينو
المقادير
- معلقة كبيرة مليانة بودرة نسكافية
- كوباية ماية مغلية
- نص كوباية حليب كامل الدسم او منزوع الدسم زي ما تحبي
- معلقة صغيرة فانيليا سايلة او كيس فانيليا بودرة
- ربع كوباية حليب مكثف محلى
- كوب من مكعبات الثلج
للنكهات اختاري النكهة اللي تعجبك
- معلقة كبيرة من صوص الشيكولاتة السايل لنكهة الموكا
- معلقة كبيرة مليانة من الشيكولاتة المبشورة لنكهة الشيكولاتة مع قطع الشيكولاتة
- معلقة كبيرة من صوص الكراميل لطعم الكراميل
كريم شانتية وصوص شيكولاتة او كراميل للزينة والتقديم
طريقة التحضير
- دوبي معلقة النسكافية في كوباية الماية السخنة كويس جدا ودخليها الثلاجة نص ساعة
- في الخلاط اضربي كوباية النسكافية مع نص كوباية من الحليب
- زودي الفانيليا
- ضيفي الحليب المكثف
- اخلطيهم وبعدين حطي مكعبات الثلج
- اخلطي كويس جدا لغاية ما الثلج كله يتكسر تماما
- ودلوقتي ضيفي النكهة اللي بتحبيها صوص الشيكولاتة للموكا
- الشيكولاتة الخام
- او معلقة من صوص الكراميل
- اخلطي مرة تانية وبعدين صبيه في الاكواب وزينية بالكريم شانتيه والصوص وقدميه مثلج