المطربين فى مسلسلات رمضان
سباق جديد بدأ السنة دي بين المطربين إلي قرروا ينافسوا الممثلين في سباق المسلسلات وإبتعدو عن الأغاني في الفترة دي . إللي فاز بالمركز الأول كانت المطربة شيرين عبد الوهاب إلي بتقدم فكرة جديدة محدش عملها قبل كده وهي قصة حياتها الخاصة فى مسلسل طريقي وبيشركها طريقها فى الفكرة الجريئة دي الفنان محمود الجندي والفنانة سوسن بدر والمسلسل من تأليف تامر حبيب.
تاني فنانة تدخل السبق ده بس مش لأول مرة هي هيفاء وهبي وبتقدم مسلسل جديد اسمه مريم بتقوم فيه بدور شخصيتين توأم هيفاء قدمت كذا مسلسل وفيلم نجح قبل كدة و اثبتت قدرتها فى التمثيل بيشاركها البطولة السنة دي الفنان خالد النبوي.
المركز التالت كان من نصيب نيكول سابا الفنانة اللبنانية الجميلة إللي اقتحمت الدراما المصرية من زمان وقبل هيفاء كمان السنة دي بتقدم أكثر من مسلسل وأولهم وأهمهم ألف ليلة و ليلة مع أميركرارة ومسلسل قسمتي ونصيبي مع هاني سلامة إللي قدم أعمال فنية مع نيكول قبل كدة أخر مسلسل هو مولانا العاشق مع مصطفى شعبان ونيكول تعتبر الفنانة الوحيدة اللى بتمثل فى 3 مسلسلات فى وقت واحد فى رمضان.
مي كساب ابتعدت عن عش الزوجية الجديد شوية ورجعت السنة دي بمسلسل كان من أسباب شهرتها كفنانة كوميدية وهو مسلسل تامر وشوقية لكن السنة دي اسمه تامر من غير شوقية.
قرار المطربات انهم يتجهوا للتمثيل وخصوصاً فى شهر رمضان بيوضح اهتمامهم للتواجد دائماً حتى لو مفيش أغاني ومع جنون إرتفاع أجر الممثلين فى شهر رمضان يبقى ليه منمثلش طالما مش هنغني.