الأكثر عاطفية: انثى برج السرطان!

سارة جمال
سارة جمال
46702

 عاطفية, مثيرة وضعيفة, طبعا بنتكلم عن انثى برج السرطان, التلات صفات دول لو سألتي أي راجل في العالم إيه هي مميزات فتاة أحلامك ؟! هتلاقيه اداكي الإجابة ديه بظبط! 

هي حساسة جدا, بتهتم بالأخرين ,ممكن تكون من أكتر الأبراج في موضوع العاطفة ده ,مبتحبش النقد ولو شخص مرة نقدها وقالها رأي معجبهاش, عمرها ماهتنساله وهتاخد الموضوع بشكل شخصي.

مواليد برج السرطان (من 21 يونيو لحد 22 يوليو) تعالوا النهرده ندخل رحلة استكشاف لصفات امرأة برج السرطان ,إيه أسرار جاذبيتها وسحرها و لو شريكتك سرطان هنقولك على نصايح إزاي ممكن تتعامل معاها.

انثى السرطان
انثى السرطان

1- التمهل والبطء:

انثى السرطان بتحب تاخد وقتها تماما في موضوع الحب والعلاقات ومتحبش اللي يستعجلها, رومانسية جدا, مخلصة ووافية, خجولة ومتحفظة. بتاخد وقت عشان تثق فالاخرين. بس بمجرد إنها تقع في الحب بتبقي صبورة جدا وممكن تصبر وتدافع عن حبها للنهاية قدام أي مصاعب,عشان كده نصيحتنا ليك إنك بلاش تضغط عليها وسيبها لحد لما تتأكد من مشاعرها تجاهك.

موضوع البطء ده كمان مش بس في قرارات الحب لأ ده كمان  في معظم قرارات حياتهم, بيحبوا يفكروا كتير ويشوفوا عيوب وممزيات كل قرار قبل مايتجهوا ليه.

2- الحدس :

قرون استشعار يعني :) انثى السرطان بتحس بالحاجات قبل ماتحصل, يعني مثلا أول لما تشوف شخص معين ممكن تحس ناحيته بعدم راحة فعلا الحدس بتاعها في معظم الوقت بيطلع صح و يطلع الشخص ده بعد كده مكنش يستاهل ثقتها. عشان كده احرص على الانطباع الاولاني.

3- دموعها سريعة جدا:

في ثانية ممكن تلاقيها بتعيط من السعادة أو من الحزن, بتعشق الأفلام الرومانسية الحزينة.. بس لو حست إن فيه حد محتاج لها بتلاقيها تحولت لواحدة تانية خالص, قوية وعميقة وهتفضل مع الشخص ده لحد لما توصله بر الأمان.

على الرغم من موضوع دموعها القريبة ده بس في نفس الوقت هي ضحكتها كمان قريبة لأ وكمان معدية! 

4- صديقة وافية:

لو عندك صديقة سرطان هتحسي كده كأنها مامتك, بتاخد بالها من أصحابها, دايما بتسأل عليهم, بتخاف عليهم, السرطان صديقة وافية جدا وفعلا صداقتها كنز لازم تحافظي عليه.

5- فنانين:

مبدعين وعندهم حس فني عالي, بيحبوا الشعر ,الموسيقي والرسم وكل النشاطات اللي فيها أحساس. لأ وكمان طباخات ماهرات وخصوصا للناس اللي بيحبوهم.

6- متسامحين ولكن!

لو اذيتها إنت هتتفاجأ برد فعلها, هي بتفضل الصمت, لا بتعاتب ولا عمرها مابتفكر إزاي ترد الاذي وتنتقم, بس هتلقيها بتسحب نفسها بعيد جوه القوقعة بتعتها وبتفضل فترة مجروحة ومش بتنسي الجرح بسهولة. عشان كده لو إنت جرحتها إنت لازم تحاول ومتيأسشي من المحاولة لحد لما تكسب ثقتها من جديد..

أخيرا حبين نقول إن امرأة السرطان مميزة جدا وفعلا هي كنز نادر وزي ماهي بتحب تعتني قوي بالناس اللي حواليها وبتحب اصحابها وعيلتها , هي كمان لازم تحس إنها محبوبة عشان تقدر تدي أكتر وأكتر… يا رب نكون قدرنا نوضح اهم صفات البرج الرومانسي الحنون ده “السرطان”.

اتعرفوا معانا علي توافق برج السرطان مع الأبراج التانية!

 اقروا كمان: مواصفات رجل السرطان

أهم 5 أسباب لجاذيبة برج السرطان

مقالات متعلقه

ازاي تكسبي قلب رجل برج السرطان؟

ازاي تكسبي قلب رجل برج السرطان؟

استايل هدوم انثى برج السرطان

استايل هدوم انثى برج السرطان

إزاي تكسب قلب انثى برج السرطان؟

إزاي تكسب قلب انثى برج السرطان؟