كنافة كب كيك فكرة جديدة
في
حلويات
2058
طبعا دلوقتي كلنا بنفكر حنعمل ايه حلو عشان نقدمة بعد الفطار، واكيد افكارنا بتدور حولين الكنافة، طيب ايه رأيك تعملي الكنافة بشكل وطعم جديد النهاردة؟ الفكرة الجديدة اللي حنعملها هي كنافة كب كيك حلوة وسهلة جدا غير ان شكلها جديد وحشوتها كمان مختلفة عشان خنخشيها بكريمة الباتيسير وهي طعمها جميل جدا ومختلف عن الحشوات الاعتيادية بتاعة الكافة، تابعي معانا الخطوات واعملي احلى كنافة في قوالب الكب كيك
خطوات عمل كنافة كب كيك
احتياجات التحضير
- نص كيلو كنافة
- نص كوباية سمنة او زبدة
- شربات او قطر (كوب سكر +نص كوب ماء + قطرات ليمون، بنحطهم مع بعض ونسيبهم على نار هادية لغاية ما يتقل بس خلي بالك مايتقلش اوي ويسكر يبقى قوامه مظبوط)
مقادير الكريم باتيسير
- كوبايتين حليب
- رشة فانيليا
- معلقة كبيرة نشا ذرة
- 2 صفار بيضة
- نص كوباية سكر
حنبدأ بتحضير الكريم باتيسير كالتالي
- دوبي معلقتين النشا في نص كوباية حليب كويس جدا
- حطي الحليب مع النشا على باقي كوبايتين الحليب ورشة الفانيليا وارفعيهم على نار هادية
- في وعاء تاني حطي صفار البيض مع السكر واضربية بمضرب البيض اليدوي كويس جدا
- لما الحليب يغلي والنشا يتقل شوية صبية على خليط البيض والسكر وقلبي بسرعة وانتي بتصبي كويس جدا
- دلوقتي حطي الخليط مرة تانية في الحلة اللي غليتي فيها الحليب وارفعية على النار تاني
- استمري في التقليب كويس لغاية ما يبقى قوامه كريمي
- سيبي الخليط يهدى دقايق وبعدين صفيه في وعاء تاني بالمصفاة السلك عشان تتأكدي ان مافيهوش اي كتل
خطوات تحضير الكنافة
- قطعي الكنافة صغير جدا جدا واخلطيها مع السمنة او الزبدة كويس اوي
- افرديها في قوالب الكب كيك واضغطيها كويس باستخدام قاعدة كوباية اتأكدي انها مغطية حواف القالب من جوة
- حطي معلقة من الحشو جوة كل قالب
- وزعي شوية كنافة على وش الحشو واضغطي براحة عشان الحشو مايطلعش منها
- دخليها الفرن على نار متوسطة لغاية ما تحمر كويس من الجوانب
- شغلي الشواية لو محمرتش من فوق كويس
- طلعي القوالب من الفرن واسقيها بالشربات البارد
- سيبيها عشر دقايق واقلبيها في ورق الكب كيك وزيني وشها بالفستق وقدميها