حيل وافكار منزلية مبتكرة ما تفوتكيش

بقلمأنجي سليمان فيمنوعات visibility22473

ساعات كتير بتواجهنا مشكلات بسيطة في حياتنا في المطبخ او في التضيف او غيرها من المواقف اليومية اللي بتسببلنا ازعاج وبتضايقنا، لكن احنا لو فكرنا شوية ممكن نلاقي حلول للمشكلات دي، والحقيقة ان في ناس كتير سبقونا في مواجهة المشكلات دي واخترعوا الحلول المبتكرة لمواجهتها، واحنا في الموضوع ده جمعنالك مجموعة حيل وافكار منزلية مبتكرة حتفيدك جدا وتفتحلك مجال افكار كبير، اقرأي الموضوع عشان تستفيدي من الحيل المبتكرة دي

مجموعة حيل وافكار منزلية مبتكرة

  • لما تقطعي التورتة استخدمي قطع التوست الطري واشبكيها بأعواد الاسنان عشان تغطي مكان الجزء المقطوع، وبكده التورتة مش حتنشف العيش هو اللي حيتأثر بالجو وحيحافظ على شكل وطعم التورتة

حيل وافكار منزلية

  • لو عندك CD مهم ومش عارفة تحتفظي بيه ازاي، شوفي الصورة دي واعمليله حافظة من اي ورقة عادية بالطريقة البسيطة دي

حيل وافكار منزلية

  • عشان تحتفظي بالبصل والثوم لأطول فترة ممكنة احتفظي بيهم في اكياس مصنوعة من الورق لكن اعمليها فيها ثقوب كتيرة بالمقص، وبالشكل ده حتحافظي على البصل والثوم لمدة اطول من العادي بحوالي شهرين

حيل وافكار منزلية

  • لو عندك كمية كبيرة من البطاطس وخايفة انها تفسد او تعمل جذور حطي جنبها تفاحة وهي حتحافظ على ابطاطس من الرطوبة مش حتخليها تبقى لينة او تخرج منها جذور

حيل وافكار منزلية

  • عشان تحافظي على الكرفس لأطول فترة ممكنة لفية في ورقة فويل قبل ما تدخليه الثلاجة

حيل وافكار منزلية

  • لو عندك كمية من الموز وخايفة يفسد او يستوي بسرعة غطي العنق بتاع الموز من فوق بقطعة من ورق البلاستيك او النايلون وهو عمره يبقى اطول اسبوع كامل

حيل وافكار منزلية

  • عشان البيض النيء يعيش معاكي فترة اطول باسبوعين على الاقل ادهني البيض من برة بقطعة قطن مبللة في زيت الطعام

حيل وافكار منزلية

  • لو خايفة على المشروبات من الذباب والحشرات الطائرة غطي وجة الاكواب بورق الكب كيك

حيل وافكار منزلية

  • عشان الاكل يسخن اسرع في المايكروييف اعملي تجويف في نص الاكل عشان يسخن من القلب ومن الاطراف

حيل وافكار منزلية

  • حطي معلقة كبيرة من بيكربونات الصوديوم في كيس قماش صغير او فردة شراب فيليه وخليها في الجزامة عشان تضف كل الروائح الكريهة

حيل وافكار منزلية

  • لو بتغلي حاجة على النار وخايفة انها تفور وتخرج بره الحلة حطي معلقة خشب بالعرض على وجه الحلة وهي حمنع السوائل من الخروج برة الحلة

حيل وافكار منزلية

  • لو ضاعت منك حاجة رفيعة زي بريمة حلق او فص خاتم او اي حاجة دقيقة لفي شراب فيليه على فتحة المكنسة الكهربائية واشفطي السجاد والارض وحتلاقي الحاجة اللي ضاعت موجودة على الشراب

حيل وافكار منزلية

  • لو كنتي محتاجة تسخني طبقين في المايكروييف وتختصري الوقت حطي طبق عادي والتاني فوق مج مقلوب عشان تستغلي المساحة احسن

حيل وافكار منزلية

  • لو خايفة ان زراير القمصان تقع ادهني الخيط اللي متخيط بيه الزرار بمقوي الاظافر وسيبيه ينشف شوية وهو حيثبت

حيل وافكار منزلية

  • لو عندك اكتر من مفتاح شبه بعض ومش عارفة تميزي بينهم ادهني كل واحد بلون مانيكير مختلف عشان تفرقيهم عن بعض

حيل وافكار منزلية

  • لو خايفة على سلك الشاحن انه يتقطع من كتر الاستخدام لفي عليه سوستة من السوست الخاصة بالاقلام عشان مايتفصلش عن جسم الشاحن

حيل وافكار منزلية

  • للحفاظ على الاعشاب بشكل كويس ومفيد زي الشبت والبقدونس والكزبرة الخضرا والزعتر والروز ماري، قطعيهم واغسليهم كويس جدا وحطيهم في قوالب الثلج واغمريهم بزيت الزيتون او الزبدة السايحة وجمديهم في الفريزر واستخدميهم عن الحاجة

حيل وافكار منزلية

  • عشان تقطعي العنق الاخضر بتاع الفراولة وتخافظي على شكلها في نفس الوقت استخدمي شفاطة العصير دخليها من اسفل ثمرة الفراولة وزقي لفوق لغاية من العنق الاخضر يطلع

حيل وافكار منزلية

  • عشان تحافظي على اسلاك الكهرباء من غير ما تتشابك مع بعض ستخدمي كلبسات الورق الكبيرة ومرري كل فيشة وسلك من داخل كلبس عشان تفصليه عن غيره

حيل وافكار منزلية

  • لو حنفية الحوض قصيرة ومش حينفع تحطي تحطها دلو الماية، استخدمي الجاروف زي الصورة عشان تملي الدلو بالماية بشكل اسهل

حيل وافكار منزلية

دي تقريبا كانت مجموعة من اهم الافكار المبتكرة والمفيدة، لو عندك افكار زيها شاركينا صورك وافكارك