شوربة كريمة المشروم بأسهل واسرع الطرق

أنجي سليمان
أنجي سليمان
1048

شوربة كريمة المشروم من اجمل انواع الشوربة اللي دايما نطلبها في المطاعم، واكتر حاجة مميزة فيها انها بتليق مع كل انواع الاكل، واحنا غالبا لما بنحب نشرب شوربة كريمة المشروم في البيت بنشتريها سريعة التحضير او جاهزة، لكن هل جربتي تعمليها بنفسك قبل كده؟ لو مجربتيش حنقولك على الطريقة وعلى فكرة هي سهلة وسريعة جدا

طريقة عمل شوربة كريمة المشروم

المقادير

  • 3 معلقة كبيرة زبدة
  • 3 معلقة كبيرة دقيق
  • 3 اكواب حليب كامل الدسم
  • 4 قطع مشروم كبيرة متقطع صغير جدا
  • ملح وفلفل
  • بصل بودرة وثوم بودرة او بصلة صغيرة مبشورة ناعم جدا وفص ثوم صغير مهروس جيدا جدا

طريقة التحضير

  • حطي حلة مناسبة على النار ودوبي فيها الزبدة
حطي الزبدة على النار
حطي الزبدة على النار
  • حطي الدقيق وقلبيه كويس جدا لغاية ما يدوب مع الزبدة
الدقيق مع الزبدة
الدقيق مع الزبدة
  • صبي الحليب براحة وقلبي بسرعة بالمضرب اليدوي ودي خطوة مهمة جدا لازم التقليب بسرعة مع صب الحليب عشان ما يكلكعش ويتكتل
  • سيبي اللبن يسخن وقبل مرحلة الغليان حطي المشروم
اضافة المشروم
اضافة المشروم
  • قلبية كويس وبعدين ضيفي التوابل (الملح والفلفل والبصل والثوم سواء بودرة او عادي)
اضافة التوابل
اضافة التوابل
  • هدي النار جدا واستمري في التقليب او ما يبدأ الحليب يغلي راقبية كويس لما يتقل وتلاقي المشروم استوي وبقى طري طفي النار
  • قدمية وزيني الوجه بالبقدونس المفروم او حلقات البصل المحمرة
قدمي شوربة المشروم ساخنة
قدمي شوربة المشروم ساخنة

مقالات متعلقه

طريقة عمل شوربة العدس بالبطاطس

طريقة عمل شوربة العدس بالبطاطس

وصفة شوربة الفاصوليا البيضا

وصفة شوربة الفاصوليا البيضا

شوربة في طبق من العيش؟! .. اعرفي ازاي تعملي وصفة خبز شوربة البازلاء

شوربة في طبق من العيش؟! .. اعرفي ازاي تعملي وصفة خبز شوربة البازلاء