ايس كريم في البيت سهل وطعمه ما يتوصفش

بقلمأنجي سليمان فيحلويات visibility3238

ايه رأيك تعرفي طريقة حلوة لعمل ايس كريم في البيت ، الايس كريم ده تقريبا مافيش حد في العالم كله مش بيحبه، النهاردة جيبنالك طريقة مميزة جدا لعمل ايس كريم في البيت وطعمها مختلف جدا، جربيه وخلي ضيوفك يدوقوا احلى ايس كريم مأكلوش زيه قبل كدة، والايس كريم اللي حنقدمه النهاردة حنستخدم في المانجو لكن لو انتي حابة تستخدمي نوع فاكهة اخر اختاري النوع اللي تحبيه، ممكن خوخ او موز او فراولة او غيرها على حسب ذوقك

طريقة عمل ايس كريم في البيت

حتحتاجي الى:

  • ثمرتين مانجو
  • نص لتر حليب
  • معلقة كبيرة مليانة نشا ذرة
  • نص كوب من بودرة الكاسترد بطعم الفانيليا
  • 2 تين جاف متقطع صغير جدا
  • 2 معلقة كبيرة مليانة زبيب
  • معلقة كبيرة مليانة من الفستق المقشور المحمص
  • نص كوباية سكر
  • نص كوباية حليب مكثف

طريقة العمل

  • قشري المانجو وقطعيها واضربيها في الكبة من غير اي ماية لغاية ما تبقى زي المعجون
اضربي المانجو في الكبة الى ان تصبح معجون
اضربي المانجو في الكبة الى ان تصبح معجون
  • ضعي الحليب في حلة واتركيه على نار هادية جدا لغاية ما يغلي
  • اول ما تبدأ الفقاقيع تظهر في الحليب، حطي السكر والحليب المكثف وقلبي كويس
اغلي اللبن وضيفيله السكر والحليب المكثف
اغلي اللبن وضيفيله السكر والحليب المكثف
  • ضيفي التين والزبيب والفستق
ضيفي الزبيب والفستق والتين المجفف
ضيفي الزبيب والفستق والتين المجفف
  • خدي نص كوب حليب ساخن دوبي فيه بودرة الكاسترد والنشا كويس جدا
دوبي الكاسترد والنشا
دوبي الكاسترد والنشا
  • دلوقتي حطي خليط الكاسترد والنشا على الحليب اللي على النار
زودي الكاسترد على الحليب  والمكسرات
زودي الكاسترد على الحليب والمكسرات
  • استمري في التقليب لغاية ما الحليب يتقل طفي النار وسيبيه يبرد شوية
قلبي لغاية ما يتقل
قلبي لغاية ما يتقل
  • لما الخليط يبقى في درجة حرارة الغرفة حطي عليه معجون المانجو وقلبيه كويس
حطي المانجو على الخليط بعد ما يبرد
حطي المانجو على الخليط بعد ما يبرد
  • صبي الخليط في قالب الايس كريم المناسب
صبيه في قالب الايس كريم
صبيه في قالب الايس كريم
  • دخليه الفريزر على الاقل 4 ساعات وبعدين قدميه
قدميه مثلج مع المكسرات المبشورة
قدميه مثلج مع المكسرات المبشورة