مقبلات سهلة بالصور لسفرة متنوعة

أنجي سليمان
أنجي سليمان
2543

رمضان شهر اللمة وعزومة الاهل والاصدقاء عشان كده سفرة رمضان بتحتاج لتنوع كبير في الاصناف اللي بنقدمها وده اكيد بسبب اختلاف اذواق الموجودين وكمان اختلاف الاعمار ما بين الكبير والصغير، واجمل حاجة تعمل تنوع على السفرة ومش متعبة في التحضير هي المقبلات اللي بتتوزع على السفرة جنب الوجبة الرئيسية، والنهاردة جبنالك طريقة عمل مقبلات سهلة بالصور والخطوات، المقبلات دي اسمها البيروغه وهي اصلا اكله بولندية لكن حتلاقي طعمها وتحضيرها قريب جدا لطريقة البوريك، جربي تعمليها وحتلاقيها سهلة وخفيفة جدا وكل ضيوفك حيحبوها

مقبلات سهلة بالصور 1
مقبلات سهلة بالصور 1

تفاصيل عمل مقبلات سهلة بالصور

مقادير العجينة

  • 3 اكواب دقيق
  • 3 بيض
  • معلقة كبيرة كريمة طبخ
  • رشة ملح
  • كوب ماء دافيء للعجن

مقادير الحشو:

  • 2 ثمرة بطاطس متقطعة مكعبات
  • 3 معلقة كبيرة جبنة فيتا
  • بصلة متقطعة مربعات صغيرة جدا او مبشورة
  • رشة زعتر

خطوات التحضير

  • اخفقي البيض مع الكريمة كويس
مقبلات سهلة بالصور 2
مقبلات سهلة بالصور 2
  • حطي في حلة او بولة الدقيق مع رشة الملح
مقبلات سهلة بالصور 3
مقبلات سهلة بالصور 3
  • ضيفي البيض وقلبي كويس جيدا لغابة ما الدقيق يتفتت
ضيفي البيض والكريمة على الدقيق
ضيفي البيض والكريمة على الدقيق
  • حطي الماية بالتدريج واعجيني كويس جدا لغاية ما تبقى العجينة مش بتلزق في الايد
  • لفي العجينة في ورق نايلون او كيس لمدة ساعة عشان ترتاح
لفي العجينة في نايلون لمدة ساعة
لفي العجينة في نايلون لمدة ساعة

حضري الحشو

  • اسلقي البطاطس كويس في شوية ماية
اسلقي البطاطس
اسلقي البطاطس
  • حمري البصل المتقطع مع رشة الزعتر في معلقة زيت
حمري البصل مع الزعتر
حمري البصل مع الزعتر
  • صفي البطاطس لما تستوي وبرديها
  • اخلطي البطاطس والجبنة والبصل واهرسيهم مع بعض كويس جدا لغاية ما يمتزجوا تماما
اهرسي البطاطس مع الجبنة والبصل
اهرسي البطاطس مع الجبنة والبصل

تجهيز العجينة للتقديم

  • خرجي العجينة من النايلون وحطيها على سطح متعفر كويس بالدقيق
مقبلات سهلة بالصور 4
مقبلات سهلة بالصور 4
  • ابرميها وقطعيها في شكل قطع صغيرة
قطعي العجين
قطعي العجين
  • استخدمي النشابة في عمل دوائر صغيرة من العجين بسمك نص سنتيمتر تقريبا
استخدمي النشابة في فرد الفطاير
استخدمي النشابة في فرد الفطاير
  • حطي دوائر العجين في صينية وغطيها بفوطة مبلولة عشان ماينشفش اثناء التحضير
غطي العجين عشان ماينشفش
غطي العجين عشان ماينشفش
  • لما تخلص كل الكمية، خدي الدايرة وحطي جواها معلقة صغيرة من الحشو
معلقة صغيرة من الحشو
معلقة صغيرة من الحشو
  • اقفليها كويس جدا باستخدام الشوكة
اقفليها بالشوكة
اقفليها بالشوكة
  • حطي على النار حلة في كوبايتين ماية ومعلقة كبيرة ملح
  • لما الماية تغلي حطي شوية من الفطاير اللي جهزت واتقفلت كويس بالشوكة
حطي الفطاير في ماية بتغلي مع الملح
حطي الفطاير في ماية بتغلي مع الملح
  • سيبيهم 3-4 دقايق وخرجيهم بمقصوصة وحطيهم في ماصفة واسعة
  • لما تخلصي الكمية كلها اتأكدي انها اتخلصت من الماية الزادة وحمريها في الزيت
حمريها في الزيت
حمريها في الزيت
  • قدمي المقبلات مع الكاتشب او المايونيز او سلطة الزبادي

مقالات متعلقه

طريقة كحك العيد بأسهل واسرع الطرق

طريقة كحك العيد بأسهل واسرع الطرق

إزاى نعمل الخير فى رمضان

إزاى نعمل الخير فى رمضان

نصائح لتجنب الانتفاخ فى رمضان

نصائح لتجنب الانتفاخ فى رمضان