طريقة عمل اقماع الكنافة بالحشوات المختلفة

بقلمأنجي سليمان فيحلويات visibility7566

من اشهر والذ الحلويات اللي بنقدمها في رمضان هي الكنافة، وتقريبا الكنافة هي ملكة الحلويات طول 30 يوم رمضان، وده اللي بيخلينا ندور على طرق متنوعة ومختلفة لتقديمها، ايه رأيك تجربي الكنافة الكورنية او اقماع الكنافة المحشية، في الموضوع  ده حتعرفي طريقة عمل اقماع الكنافة وكمان حنقدملك اكتر من طريقة للحشو تختاري منها اللي تحبيه

خطوات و طريقة عمل اقماع الكنافة

المقادير

نص كيلو كنافة

زبدة او سمنة

اقماع معدنية او ورق فويل

شربات (قطر) : كوب سكر + نص كوب ماء + قطرات ليمون – قطرات ماء ورد او رشة فانيليا

طريقة عمل اقماع الكنافة

حافظي على شكل خصلات الكنافة بدون تقطيعها      

خذي خصلة رفيعة من الكنافة وادهنيها كويس جدا بالزبدة او السمنة

لفيها على الاقماع
خدي خصلة رفيعة من الكنافة

لفيها على القمع كويس ابدأي من تحت واتجهي لفوق

لفيها على القمع من تحت لفوق
لفيها على القمع من تحت لفوق

ادهنيها سمنة تاني من برة

وحطيها في صينية مدهونة

ادهنيها من برة وحطيها في صينية مدهونة
ادهنيها من برة وحطيها في صينية مدهونة

كرري العملية مع كل الكمية

دخليها الفرن على درجة حرارة متوسطة 180 تقريبا

سيبيها عشر دقايق او اكتر لغاية ما يبقى لونها دهبي

خرجيها من الفرن بعد ما تحمر
خرجيها من الفرن بعد ما تحمر

خرجيها من الفرن وسيبيها تبرد خالص

طلعيها من القمع براحة وبحرص عشان ماتتفرفتش

اغمسيها في الشربات كويس

وبعدين احشيها بحاجة من الاتي

  • كاسترد : نفذي التعليمات اللي على العبوة
الكاسترد
الكاسترد
  • كريمة خفق : حطي كمية من الكريمة بودرة او سايلة واخفقيها لغاية ما تجمد
حشو الكريمة
حشو الكريمة
  • كريمة شيكولاتة : نفس الخطوات السابقة بس حطي معاها معلقة كبيرة من الشيكولاتة السايحة او من النوتيلا
كريمة الشيكولاتة
كريمة الشيكولاتة
  • قشطة: حطي كوب من اللبن مع معلقتين كبار سكر ومعلقة صغيرة من النشا وارفعسهم على النار، لما تبقى مهلبية ارفعيها عن النار وضيفي عليها علبة قشطة جاهزة وقلبيها كويس واحشي الاقماع
القشطة للحشو
القشطة للحشو
  • زينيها بالفستق المفروم وقدميها بالهنا والشفا
زينيها بالفستق المفروم وقدميها
زينيها بالفستق المفروم وقدميها