إزاي تحافظي علي بشرتك من الجفاف اثناء الصيام

بقلمرانيا عبد الله فيبشرة visibility1

شهر رمضان الكريم فرصه حلوة ليكي عشان تستعيدي نضارة بشرتك فيه لانك بتقللي من المكياج اثناء النهار دا هيديها فرصه ترتاح وتستعيد رونقها من جديد, بس السنه دي هيكون الجو فيه حر جدا وفترة الصيام طويلة وده ممكن يعرض بشرتك للجفاف أو الإلتهاب, عشان كده حبنا نشاركك شوية نصايح مهمة إزاي تحافظي علي بشرتك من الجفاف اثناء الصيام.

إزاي تحافظي علي بشرتك من الجفاف اثناء الصيام
إزاي تحافظي علي بشرتك من الجفاف اثناء الصيام

أهم 9 نصايح للمحافظه علي البشرة من الجفاف:

1. اشربي سوائل كتير وخاصه الماء علي الاقل 3 لتر من بعد الفطار لغايه السحور .

2. رطبي بشرتك بإستمرار مرة الصبح ومرة بليل بإستخدام المرطب المناسب ليكي المرطب احسن طريقه للمحافظه علي رطوبة ونعومة واشراق البشرة .

3. ابعدي عن الحرارة علي قد ما تقدري لان الحرارة تفقد البشرة الرطوبه .

4. البسي ملابس قطنية عشان تحميكي من حرارة الجو .

5. ابعدي عن شرب الكفايين بكثرة زي القهوة والشاي والكاكاو والمشروبات الغازية ومشروبات الطاقه وابدليهم باعشاب مهدئه زي اليانسون والبابوننج او الشاي الاخضر .

6. استعملي غسول لطيف مناسب لبشرتك بدل الصابون .

7. ابعدي عن استخدام الماء الساخن اثناء الاستحمام لانه يفقدها الرطوبة .

8. كريم النهار مهم جدا لانه يغذي بشرتك وغني بعناصر تقلل من تكون وظهور التجاعيد والخطوط الرفيعه كمان بيعزل بين طبقه الجلد الخارجية واي مؤثرات اخري وبيحافظ عليها من الشوائب وكمان بيزيل الخلايا الميتة .

9. لو انتي بتشتغلي او اضطريتي تخرجي بالنهار وفي عز الشمس يبقي لازم تستخدمي واقي الشمس لانه بيحافظ علي البشرة من تعرضها لاشعه الشمس المباشرة الضارة ضعي الكريم الواقي قبل الخروج من البيت بريع او نص ساعه عشان تكون امتصته البشرة ويديكي حماية اكتر حطي كميه مناسبة بحيث تغطي بشرتك بطبقه رقيقه ولكن بطريقه متساويه .

5 اطعمه تساعدك علي ترطيب بشرتك

1. يحتوي كل من البقدونس والخيار والخس والجزر على مادة السيليكا التي تساعد على زيادة مرونة البشرة وتعزيز شبابها .

2. تتميز الأسماك بغناها بالأوميجا ٣ التي تعمل على تقوية خلايا البشرة وحمايتها من الجفاف .

3. البرتقال والجريب فروت من الأطعمة الغنية بمادة البيتا كاروتين ومضادات الأكسدة التي تحارب شيخوخة البشرة وتحمي البشرة من أشعة الشمس الضارة وعوامل الطقس السيء .

4. تحتوي المكسرات مثل الجوز واللوز وعين الجمل على نسبة عالية من الدهون مما يجعلها مرطبا طبيعا رائعا للبشرة فضلا عن تقوية مرونة البشرة وتجديد خلاياها .

5. الأفوكادو مصدر غني لفيتامين C و E والدهون غير المشبعة التى تساعد البشرة على الإحتفاظ بالمرطبات بداخلها . الخضروات والفاكهه بيعوضوا الجفاف الموجود في بشرتك وشفايفك نتيجه الامتناع عن شرب الماء فترة الصيام.