استخدامات مشابك الغسيل بطرق مبتكرة

افكار اعادة تدوير الاغراض القديمة في البيت متنوعة ومتعددة وفي احيان كتير بتكون مفيدة، والاغراض دي لها امثال كتيرة جدا زي الكرتون والورق والاواني القديمة والصناديق الخشب وغيرها من الاغراض، والجميل انك تقدري بخطوات بسيطة تحولي الاغراض دي لديكورات جميلة للبيت اوالعاب مفيدة للأطفال، في الموضوع ده احنا حنركز على مشابك الغسيل الخشب، وجمعنالك افكار كتيرة عن استخدامات مشابك الغسيل بطرق مبتكرة ومتنوعة تقدري تعملي منها حاجات كتيرة جدا وتستفادي منها في استخدامات غير استخدامها العادي

استخدامات مشابك الغسيل بطرق مختلفة

• براويز

ممكن نستغل مشابك الغسيل في عمل براويز او مرايات عن طريق ان احنا نحيط الصورة او المراية بمشابك الغسيل الخشب، ومن الممكن كمان انك تلوني المشابك او تلزقي عليها ورق ملون، وافضل طرق تلوين المشابك هي تلوينها بألوان الجواش 

• تزيين وعاء الزرع

الزقي مشابك الغسيل على اوعية الزرع ولونيها وزينيها بألوانك المفضلة، وممكن تشبكي المشابك في الطرف العلوي لوعاء الزرع وتزينيها بالشكل المفضل ليكي

• اباجورة

في افكار كتير لعمل الاباجورة او النجفة من مشابك الغسيل الخشب وبيكون شكلها في الاضاءة جميل جدا واضائتها هادية، وحتلاقي في الالبومات افكار كتيرة ومتنوعة لعمل الاباجورات من مشابك الغسيل

• زينة للمكتب

بيكون شكلها جميل جدا في تزيين مكاتب الاطفال، اختاري لها الوان متنوعة ومبهجة، وممكن تكتبي على كل مشبك اسم من ايام الايبوع وتستخدم لتعليم الواجبات المدرسية او للمساعدة في ترتيب اغراض الدراسة على حسب ايام الاسبوع

• مسند للأواني الساخنة

بما ان المشابك مصنوعة من الخشب فهي حتكون شديدة التحمل للحرارة عشان كده من اجمل الحاجات اللي ممكن نعملها من الشابك هي قاعدة تستخدم لحماية السفرة او اي سطح من حرارة الاواني

وفي غيرها كتير من الافكار المتنوعة والمبتكرة اتفرجي على الالبوم ونفذي منها اللي يعجبك وشاركينا تجربتك