طريقة عمل التمر هندي في البيت

أنجي سليمان
أنجي سليمان
2014

كل سنة وانتم طيبين بمناسبة شهر رمضان، ولان ساعات الصيام السنة دي طويلة والجو حر اوي فالتركيز على المشروبات الباردة حيكون قوي جدا، وطبعا رمضان معروف بالمشروبات الطبيعية الجميلة اللي بتكون اساس سفرة الافطار، والنهاردة احنا جيبنالك طريقة عمل التمر هندي في البيت بالخطوات التفصيلية وده لأنه من المشروبات اللي تقريبا ما يختلفش على حبها اتنين، وعشان احنا غالبا بنحب نعمل العصاير والمشروبات في البيت افضل ما نشتريها من برة فتقدري تشوفي معانا الموضوع ده وتعملي اجمل  مشروب تمر هندي بنفسك

طريقة عمل التمر هندي في البيت بالتفصيل

  • خدي حوالي كوب الا ربع من التمر هندي الجاف (تقريبا ربع العبوة النص كيلو)
خدي ما يعادل ربع العبوة
خدي ما يعادل ربع العبوة

خدي ما يعادل ربع العبوة

  • قطعي التمر هندي الجاف قطع صغيرة
  • حطيها في حلة مع كوبايتين ماية وسيبيها تغلي على النار لمدة عشر دقايق
سيبيها تغلي على النار عشر دقايق
سيبيها تغلي على النار عشر دقايق
  • سيبيها تبرد شوية، وبعدين صفيها باستخدام قطعة من الشاش الطبي واحتفظي بالماية اللي حتنزل والماية اللي صفيتيها في حلة او دورق سعته اكبر من لتر
  • دلوقتي اربطي الشاشة كويس جدا وحطيها في الحلة او الدورق مع الماية اللي صفيتيها وزودي كمان لتر ماية
صفيها كويس جدا واربطي الشاشة وحطيها في الماية 12 ساعة
صفيها كويس جدا واربطي الشاشة وحطيها في الماية 12 ساعة
  • سيبي قطعة الشاش في الماية لمدة 12 ساعة
  • خرجي الشاشة من الماية وصفيها كويس جدا
  • حليه بالسكر وضيفيله معلقة كبيرة من شربات الورد او نص معلقة صغيرة من ماء الورد
  • قدميه بارد او مع قطع الثلج
  • قدمي التمر هندي البارد على سفرة الافطار
    قدمي التمر هندي البارد على سفرة الافطار

مقالات متعلقه

طريقة كحك العيد بأسهل واسرع الطرق

طريقة كحك العيد بأسهل واسرع الطرق

إزاى نعمل الخير فى رمضان

إزاى نعمل الخير فى رمضان

نصائح لتجنب الانتفاخ فى رمضان

نصائح لتجنب الانتفاخ فى رمضان