20 فكرة بتيجي في دماغ البنات لما تعرف من على الفيسبوك إن حبيبها القديم خطب!

من أكتر مشاعر الحسرة اللي ممكن تيجي لأي بنت بتبقي لما تكتشف إن خطيبها أو حبيبها القديم خطب من على الفيسبوك.. بتبقي تجربة صعبة وجارحة جدا..

حتي لو كان لو كان لكم فترة مش بتكلموا بعض بس كان بيبقي فيه ديما أمل جواكي إن ممكن الماية ترجع لمجاريها وترجعوا لبعض, بس بمجرد إنك تشوفي الفيسبوك بتاعه وتلاقي انه خلاص ارتبط, بتحسي كان فيه حد قفل الباب في وشك…

إزاي هو لقي السعادة بسرعة كده؟ ولقاها مع حد غيري؟!!

تعالوا نشارككم 20 فكرة بتيجي في دماغ كل بنت بتحط فالموقف ده:

1. إزاي قدر؟! ده احنا كأننا سيبين بعض لسة امبارح!
2. أصلا أنا ولا فارق معايا
3. أنا هموت لوحدي وهو خلاص بقي سعيد
4. أنا مش هلاقي حد يحبني تاني
5. أكيد السبب كان فية أنا
6. أكيد أنا وحشاه عشان كده هو عمل كده
7. مفيش حاجة اسمها حب!
8. أنا مش قادرة أصدق انه قدر يحب حد غيري
9. هو ليه شكلو بقى احلي كتير كده بعد ماسبنا بعض؟!
10. خطيبته وحشه جدا! أنا أحلى منها بكتير
11. انا هقفل الفيسبوك بتاعي
12. هو الخسران مع السلامة
13. إزاي محدش من صحابنا المشتركين قاللي؟
14. هو أكيد عمل الستاتس ديه على الفسيبوك عشان يعرفني انه خطب
15. أكيد بكره هلاقي حد أحسن منه 100 مرة
16. أكيد الستاتس ديه مجرد رسالة
17. أنا مليش حد فالدنيا غير أهلي وأصحابي
18. أكيد هو لسة منسنيش
19. ليه هو لقي حد تاني وأنا لأ؟!
20. بكره هيندم على كل لحظة كان ممكن يقضيها معايا!!