إزاي تحطي مكياج النهار بالخطوات

بقلمأنجي سليمان فيمكياج visibility5980

في نهار كل يوم واحنا بنحضر نفسنا للشغل او الكلية بنقضي وقت طويل في الاهتمام بمظهرنا بين اختيار اللبس والطرحة او تسريحة الشعر وطبعا المكياج المناسب للهدوم وللنهار، وغالبا كل يوم بنكرر الروتين المعتاد في حط المكياج بنفس الشكل وبدرجات الوان محدودة من غير ما ننوع او نغير على اساس ان ده اللي احنا اتعودنا عليه وايدينا اخدت على طريقة وضعه، لكن اللي لازم تعرفيه ان اللبس ممكن يتكرر لكن لو غيرتي المكياج الاطلالة واللوك بتوعك حيتغيروا خالص، والتغيير ده مش حاجة صعبة، وحتتأكدي  لو تابعتي معانا الموضوع ده وشوفتي البوم الصور وانت حتعرفي ازاي تحطي مكياج النهار بالخطوات

مكياج النهار بيسط ورقيق
مكياج النهار بيسط ورقيق

مكياج النهار بالخطوات والترتيب

  • الاساس

ابعدي عن الكريم السميك والبودرة في الاساس اليومي واستبدلية بالاساس الشفاف او كريم النهار او كريم الحماية من الشمس الابيض الشفاف، وبعد تنظيف وجهك جيدا في النهار استخدمي طبقة رقيقة من الكريم وبعدين هاتي منديل ورق عادي حطيه على وشك واضغطي باطراف صوابعك براحة عشان يتشال الزيادات.

  • الاي شادو

اختاري درجات تليق مع لون بشرتك ومع لون هدومك واختاري الدرجات الفاتحة وابعدي عن الاي شادو اللامع دايما اختاري المطفي او اللمع حاجة بسيطة جدا من غير جليتر ولمعة عالية، واتفرجي على الصور في الالبوم عشان تعرفي ازاي تستخدمي اكتر من درجة من غير ما يكون الاي شادو تقيل.

  • الاي لينر او الكحل

اتدربي على رسمة الالي لينر اكتر من مرة قبل ما تجربي تطبقيها عشان مايطلعش مهزوز ومش مظبوط، ولو بترتاحي اكتر في الكحل، ممكن تستخدميه في الرسم بس اختاري نوع مش بيسيح مع العرق او الدموع، وماتنسيش ان المكياج ده حيستمر معاكي طول النهار يعني اتربه وعرق ودموع وغيرها، عشان كده مش لازم يكون تقيل، خليه رقيق قدر الامكان.

مكياج النهار بالخطوات
مكياج النهار بالخطوات
  • الماسكرا

من اساسيات مكياج النهار، لأننا ممكن نعتمد عليها هي بس مع روج خفيف ويبقى الوك بتاعنا رقيق وظريف ومش متكلف، عشان كده اختاري اللون اللي بتحبيه وغيري على حسب لبسك بين درجات الاسود الحالك والاسود البني والبني والازرق الداكن والبنفسجي الداكن.

  • احمر الشفاه

اختاري الدرجات الرقيقة وابعدي عن الالوان الداكنة الجريئة عشان يبقى معاكي حرية حركة وثقة في نفسك اكتر، ولو بتحبي الالوان الفاقعة ممكن تختاري البينك والموف بينك والكورال بس بلاش النبيتي والموف الغامق.

البلاشر، ممكن نستغنى عنه نهائي في مكياج النهار لأن الخروج في النهار والحركة والشمس بيدو للوجه بلاشر طبيعي، لكن لو في يوم حسيتي انك محتاجة استخدمي الروز او الخوخي وركزي جدا انه يكون مش لامع وحطي بسيط على امتداد الشفاه مع الودن زابتعدي عن منطقة تحت العين.

دايما افتكري ان مكياج النهار الهدف منه اظهار الحيوية والنشاط اكتر منه اظهار الالوان عشان كده حاول تتبعي منهج البساطة والرقة على قد ما تقدري.