7 أسباب ليه الجوزاء شخص ما يتنسيش!!

بقلمسارة جمال فيبرج الجوزاء visibility17104

موسم الجوزاء :) الجوزائيين المميزين جدا, اللي فعلا لو قابلت واحد منهم في حياتك, خليك متأكد انه مش هيخرج منها غير وهو سايب أثر كبير, سواء سلبي أو اجابي!

10 أسباب عمرك ما هتنسى الجوزاء بسببهم!!

يلا نعرف إيه هما 7 أسباب اللي يخلوا الجوزاء شخص ما يتنسيش!

1- متحدثين ماهرين:

لبقين, اذكياء, دمهم خفيف وكلهم حماسة, مزيج جامد جدا مش هتلقيه غير في الجوزاء, مزيج جذاب وبينقل طاقة للناس اللي حواليه, أكيد لو كنت تعرف شخص جوزاء وبعد عنك هتحس بفرق وهتفتقد شعلة الحماسة اللي كان بيملاك بيها.

2- سرعة الأداء!

طبعا ناس اذكيه وبيزهقوا بسرعة بالشكل ده, بيبقوا عندهم سرعة في أداء كل حاجة, اتخاذ قرارات في الشغل أو في الحياة و مش بيحبوا يأجلوا مشاوير, لو في حياتك جوزاء هتلاقي نفسك بتجري وراه عشان تعرف تحصل السرعة بتاعته.

3- مبدعين:

كتير قوي من الفنانين العظام بتوع زمان ودلوقتي من برج الجوزاء, هو برج الموهوبين, بتلاقيهم يعرفوا يعملوا أكتر من شيء في نفس الوقت , اهم حاجة انهم يبقوا في بيئه مريحة وفيها حرية عشان يعرفوا يطلعوا افضل ماعندهم, حبنا نجيبلكم بس عينة من مشاهير البرج:

  • عبد الحليم حافظ
  • فاتن حمامة
  • أحمد فؤاد نجم
  • أحمد مكي
  • أسمهان
  • أنجيلينا جولي
  • حسام حبيب
  • راغب علامة
  • محمد محيي
  • محمود عبد العزيز
  • مايا دياب
  • نيكول كيدمان
  • يارا
  • يوسف السباعي

4- الشخصيات المتعددة:

معروف قوي إن الجوزاء برج بشخصيتين, بس الجديد بقى عنهم انهم برج بأكتر من شخصية مش اتنين بس! وبتلقوه شخصيته بتتغير على حسب الموقف أو على حسب الشخص اللي قدامه, ده طبعا مش غش أو تمثل من ناحية الجوزاء لكن هو بس بيظهر لنا كل شوية جزء جديد من شخصيتة الغامضة.

5- مجانين!

ايوه مجانين فعلا, الجوزاء لما بيوقع في الحب بيبقوا فعلا مجانين وغيورين بشدة على شريكهم, يعني من النوع اللي ممكن يكسر الدنيا لو حس إن حبيبه ممكن يضيع منه.

6- الكرم:

كرام جدا حتي في الأوقات الصعبة, وخصوصا مع الناس المقربين ليهم.

7- ممكن يغفروا بس صعب ينسوا:

على الرغم من إن قلبهم طيب وانهم ممكن يغفروا بسهولة بس هم عمرهم مابينسوا لما حد بيأذيهم.. قلنا في المقالة سابقة عن أهم ممزيات برج الجوزاء انه مش بيثق فالناس بسهولة عشان كده لو إنت صاحبك أو شريكك جوزاء وغلط فيه هتلقيه بيسمحك على طول بس هيعد فترة طويلة عشان يعرف يستعد الثقة فيك تاني وإنت لازم تثبتله إنك تستاهل ثقته فيك.

اقروا كمان: اللبقة متعددة الوجوه: انثى الجوزاء

الاجتماعي المحير: رجل برج  الجوزاء

أهم 5 أسباب لجاذبية برج الجوزاء

إزاي الجوزاء بيتعامل مع الأبراج التانية؟!

ايه هي عيوب برج الجوزاء؟!

في النهاية أتمني إن يكون الموضوع عجبكم وألقي ضوء على غموض البرج ده للمحظوظين اللي فيه جوزاء في حياتهم :)