كوكتيل الفواكه المثلج مع الايس كريم
في
مشروبات
2356
الفواكه من الذ الاطعمة اللي ممكن ناكلها خاصة في الصيف لأن تنوع الفاكهة بيكون كتير في الاسواق، لكن احيانا بنمل من الطريقة الاعتيادية في اكل الفاكهة ودايما بنلاقي الطلب على المشروبات اكتر من الفاكهة، وعشان كلنا بنحب التغيير والتجديد في طريقة تقديم العصائر والفواكهة فإحنا جبنالك النهاردة طريقة عمل كوكتيل الفواكه المثلج مع الايس كريم وهو من المشروبات الممتازة جدا واللي تقدري تغيري في مكوناتها براحتك
المقادير لعمل كوب واحد من كوكتيل الفواكه المثلج مع الايس كريم
- اربع ثمرات فراولة
- ثمرتين موز (ممكن تغيري الفراولة والموز بأي فواكه زي الخوخ – المانجو – الكنتالوب – التوت الاحمر او الاسود)
- 4 مكعبات من الثلج
- ثلاث معالق كبار سكر
- معلقتين كبار زبادي
- ربع كوب عصير برتقال
- ايس كريم للتزيين
طريقة تحضير المشروب
- اغسلي الفاكهة كويس وحطيها في الثلاجة لمدة ماتقلش عن ساعتين
- قطعي الفراولة
- قطعي الموز
- حطي الفواكهة في الخلاط وحطي معاهم الثلج والسكر
- حطي الزبادي
- ضيفي عصير البرتقال
- اضربيهم كويس في الخلاط لغاية ما يبقى مشروب كريمي القوام
- صبيه في الكوباية وزينية ببولة ايس كريم وممكن شوية مكسرات