وصفات طبيعية للتخلص من الخطوط البيضاء

بقلمأنجي سليمان فيبشرة visibility4447

كلنا بنواجه مشكلة الخطوط البيضاء على الجلد لأسباب مختلفة وفي اماكن متفرقة من الجسم مثلا منطقة البطن او الذراعين او الفخدين واحيانا الجانبين، وبنسمع كتير عن ستحضرات غالية جدا بتساعد على التخلص من المشكلة دي وفي كمان ناس بتفكر في عمليات التجميل كحل للتخلص من الخطوط البيضاء، احنا كمان فكرنا ودورنا على حل للمشكلة دي وجيبنالك مجموعة وصفات طبيعية للتخلص من الخطوط البيضاء لكن قبل ما نقولك هي ايه حنفكرك ان علاج مشاكل الجلد بيحتاج الاستمرار والالتزام بتكرار الوصفة لأن المشكلة اخدت وقت طويل عشان تحصر وبالتالي هي محتاجة وقت برضه عشان تتحل.

اسباب ظهور الخطوط البيضاء

  • الحمل بيعتبر من الاسباب الرئيسية في تكون الخطوط البيضاء
  • الخسية السريعة او التخن السريع
  • العوامل الوراثية
  • نمو العضلات السريع
  • الضغط العصبي والتوتر
وصفات طبيعية للتخلص من الخطوط البيضاء
وصفات طبيعية للتخلص من الخطوط البيضاء

وصفات طبيعية للتخلص من الخطوط البيضاء

  • وصفة زيت الخروع:

الوصفة دي للاماكن شديدة الاصابة زي منطقة البطن بعد الحمل مثلا ومنطقة الفخدين والجانبين.

وصفة زيت الخروع
وصفة زيت الخروع

حطي زجاجة زيت الخروع في حمام ماية سخنة.

حطي طبقة من زيت الخروع على مكان الخطوط البيضاء.

دلكيه لمدة خمس دقايق وبعدين غطية بقطعة قماش قطنية.

هاتي زجاجة ماية سخنة جدا او سشوار ووجهي الحرارة فوق القماشة في حركات دائرية لمدة خمس دقايق وبعدين ريحي الجلد خمس دقايق وكرري العملية مرة كمان.

كرري العملية يوم بعد يوم لمدة بين تلات اسابيع و ستة اسابيع وحتلاحظي اختفاء الخطوط البيضاء.

  • وصفة بياض البيض:

اما وصفة بياض البيض فهي للاماكن اللي الاصابة فيها ارق شوية زي الذراعين مثلا او اسفل الركبتين.

وصفة بياض البيض
وصفة بياض البيض

استخدمي بياض بيضتين واضربيه كويس بالشوكة.

اغسلي مكان الجلد كويس جدا بالليفة عشان ننشط الدورة الدموية وجففيه كويس بفوطة نضيفة.

حطي طبقة سميكة من بياض البيض باستخدام فرشة عريضة.

سيبيه لما ينشف خالص بعد حوالي نص ساعة وبعدين اشطفي بماية دافية.

رطبي الجلد بعدها بزيت الزيتون.

كرري العملية دي كل يوم لمدة اسبوعين وحتلاحظي نتائج ايجابية جدا.

  • وصفة البطاطس:

الوصفة دي للاماكن المتوسط  والقوية زي الفخدين او الجانبين والبطن.

عصير البطاطس
عصير البطاطس

هاتي ثمرة بطاطس نيئة واغسلها كويس جدا.

خدي نصها لو كانت متوسطة او خديها كاملة لو كانت صغيرة اقطعيها على اربع اجزاء.

حطيها في الكبة مع معلقتين كبار ماية واضربيها كويس.

صفيها في قطعة شاش طبي وخدي العصير اللي نزل.

حطيه على مكان الخطوط البيضاء وسيبيه لما ينشف خالص وحتحسي ان جلدك بيتشد دي علامة كويسة.

لما ينشف العصير ويبقى شكله زي البودرة البيضاء اشطفيه بالماية الدافية.

رطبي جلدك بعدها بزيت الزيتون.

كرري العملية كل يوم لمدة بين اسبوعين الى تلاتة عشان تتخلصي من الخطوط البيضاء.