طريقة عمل سلطة المكرونة الباردة بالصور
في
رمضان 2017
13244
المكرونة من اكتر الاطباق المحبوبة على السفرة وبنقدمها بأشكال كتير جدا كطبق جانبي مع الفراخ او اللحمة، لكن فكرتي قبل كده تقدميها سلطة، الفكرة مش غريبة هي مكن تكون مختلفة وجديدة على السفرة المصرية لكن خطواتها سهلة جدا ومكوناتها موجودة في كل بيت، شوفي معانا بالصور طريقة عمل سلطة المكرونة اللذيذة
مقادير و طريقة عمل سلطة المكرونة
المقادير:
- نص كيس مكرونة مقصوصة
- فلفل احمر بارد او حار خسب رغبتك ويفضل لو مخلل
- نص كوب من الزيتون الاسود
- خيار مخلل
- 2 بصل اخضر
- 4 معالق كبيرة مايونيز
- ملعقة طعام خل تفاح او ابيض
- معلقة كبيرة ممسوحة سكر
- ملح و فلفل اسود
- ربع كوب حليب
- حوالي تلت كوب من ماية المخلل
خطوات التحضير:
- اسلقي المكونة في ماية سخنة ونقطة زيت
- لما تستوي اشطفيها بماية باردة وسيبيها على جنب
- قطعي الزيتون قطع صغيرة
- قطعي البصل الاخضر قطع صغيرة
- قطعي الفلفل الاحمر قطع صغيرة
- واخر حاجة تقطعي الخيار المخلل بنفس حجم البص والفلفل والزيتون
- ابدأي في تحضير الصوص، هاتي بولة وحطي فيها المايونيز
- حطي عليه الخل والسكر
- حطي الحليب وقلبي لما تلاقي القوام بقى خفيف شوية يبقى كفاية لو لقتيها متماسكة ممكن تزودي شوية حليب كمان
- حطي الملح والفلفل
- زودي ماية المخلل
- قلبيهم كويس جدا وضيفيهم على المكرونة في طبق غويط
- حطي الزيتون والفلفل والخيار والبصل المقطعين على المكرونة بالصوص وقلبي كويس جدا، دوقي السلطة ولو ناقصة ملح او فلفل او ماية مخلل ممكن تزوديها