طريقة عمل تارت الشيكولاتة بالتفاصيل والصور

أنجي سليمان
أنجي سليمان
1208

التارت من اسهل والذ انواع الحلويات وممكن نستخدم الكريمة او الشيكولاته او الفاكهة في عمل التارت لكن لأن الشيكولانة من اكتر الحلويات اللي مبنختلفش كلنا عليها وبنحبها سواء كبار او صغيرين ، فإحنا النهاردة جايبنلكم طريقة عمل تارت الشيكولاتة الرائع بالتفاصيل والصور

خطوات طريقة عمل تارت الشكولاتة

اولا مقادير التارت

  • 2 ونص كوب دقيق
  • ربع ملعقة صغيرة ملح
  • ملعقة كبيرة من السكر
  • 220 جرام زبده حوالي كوب تقريبا طرية او في درجة حرارة الغرفة
  • ربع كوب ماء مثلج

طريقة التحضير

  • في وعاء نحط الدقيق مع الملح والسكر
  • حطي الزبدة واخلطي المكونات كويس جدا بالشوكة لغاية ما يكون رملي الشكل
  • ضيفي الماية المثلجة وجمعي العجينة جيدا من غير ما تعجنيها
  • شكلي العجينة في قوالب التارت الصغيرة او في قالب التارت الكبير وخليها رقيقة
  • حطيه في الثلاجة لمدة نص ساعة
  • اعملي فتحات كتير في العجينة باستخدام الشوكة عشان العجينة ماترتفعش
اعملي فتحات بالشوكة
اعملي فتحات بالشوكة
  • اخبزيها في فرن سخن لمدة عشر دقائق وتابعيها كوي جدا واول ما يكون لونها ذهبي خرجيها
طريقة عمل تارت الشيكولاتة 1
طريقة عمل تارت الشيكولاتة 1

مكونات صوص الشيكولاتة

  • كوباية ونص سكر
  • ربع كوباية من نشا الذرة
  • ربع معلقة صغيرة ملح
  • 3 اكواب من الحليب كامل الدسم
  • 4 صفار بيض
  • كوب ونص من الشيكولاتة الخام المبشورة
  • كيس فانيليا صغير
  • 2 معلقة كبيرة الزبدة
  • كريم شانتيه للزينة

طريقة تحضير الصوص

  • في وعاء حطي السكر مع الملح والنشا
النشا والملح والسكر
النشا والملح والسكر
  • اخلطيهم كويس جدا وبعدين حطي الحليب
  • وقلبي كويس جدا لغاية ما تدوب المكونات
حطي الحليب وخلطي
حطي الحليب وخلطي
  • حطي صفار البيض وقلبي كويس جدا
ضيفي صفار البيض
ضيفي صفار البيض
  • ارفعي الخليط على النار ولما القوام يبقى غليظ ابعديه عن النار
طريقة عمل تارت الشيكولاتة 2
طريقة عمل تارت الشيكولاتة 2
  • حطي الشيكولاتة المبشورة والفانيليا وقلبيهم
نضيف الشيكولاته والفانيليا للخليط
نضيف الشيكولاته والفانيليا للخليط
  • ضيفي الزبدة مع الاستمرار في التقليب لمدة 30 ثانية فقط
اضافة الزبدة
اضافة الزبدة

الخطوة الاخيرة هي وضع الصوص على التارت وتسيبيه في الثلاجة ما بين 3 و 4 ساعات

زينيه بالكريم شانتيه او قطع الفاكهة وقدميه

مقالات متعلقه

طريقة عمل حلوى اللدو الهندية

طريقة عمل حلوى اللدو الهندية

طريقة عمل كيك الصفوف اللبنانية

طريقة عمل كيك الصفوف اللبنانية

طريقة عمل M&M كوكيز كيك

طريقة عمل M&M كوكيز كيك