طاجن اللحمة بالقراصيا طبق مختلف
من الأطباق الرئيسية المختلفة اللي ممكن نجربها على سفرتنا ونجدد من اطباقنا اللي بنقدمها كل يوم، الطبق ده اصله مغربي وطريقته سهلة جدا وجميلة وطعمه كمان مميز لأن بنستخدم فيه الفواكه المجففة بعد ما بنعملها الصوص الخاص بيها
خطوات تحضير طاجن اللحمة بالقراصيا
المقادير
- نص كيلو لحمة بتلو مكعبات او فلتو
- 4 فصوص من الثوم المفروم
- نصف ملعقة صغيرة من الجنزبيل المطحون
- نصف ملعقة صغيرة من القرفة المطحونة
- ملح وفلفل اسمر
- ملعقتين من زيت الزيتون او زيت نباتي
- ملعقتين سمن
- بصلة مفرومة
طاجن اللحمة بالقراصيا 1
مقادير الصوص
- ثلاث معالق من ماء الزهر
- كوبين من المياه
- نص كوب سكر
- عود من القرفة الخشب
- لوز محمص
- قراصيا ومشمشية
![طاجن اللحمة بالقراصيا 2]()
طاجن اللحمة بالقراصيا 2
طريقة التحضير
في طاسة صغيرة نحمر الثوم المفروم بملعقتين من زيت الزيتون
ونضيف له كل التوابل السابقة (ملح – فلفل – جنزبيل مطحون – قرفة مطحونة)
نتبل اللحم بالخلطة دي ونسيبه على جنب شوية
في حلة عميقة بنحط ملعقة زيت نباتي ونضع البصل المفروم ونسيبية لغاية ما يدبل ويبقى لونه ابيض
نحط اللحمة المتبلة والتتبيلة المتبقية على البصلة ونسيبهم يتقلو مع بعض شوية لغاية ما يبقى لون اللحمة بني
وبعدين نضيف مياه ساخنة بس مش كمية كبيرة ونسيب اللحمة تستوي بالماية دي حوالي لتر
بعد ما نتأكد من ان اللحمة استوت نحمرها في ملعقة سمن تحمير جيد
تحضير الصوص
نرفع كوباية ماية على النار ونحط فيها ماء الزهر
نضيف السكر وعود القرفة ونقلب جيدا لحد ما السكر يبدأ يبدوب
نضيف القراصيا والمشمشية
لما الماية تقل والصوص يبدأ يبقى زي الكراميل
نحط اللحمة في طبق التقديم ونضيف فوقها الصوص ونزينها باللوز المقشور المحمص
تقدم مع الارز الابيض
