تسريحات للشعر الطويل في خمس دقايق

أنجي سليمان
أنجي سليمان
في
شعر
12156

طبعا كلنا بنحب الشعر الطويل وبنتمنى شعرنا يكون طويل، لكن دايما بنحتار في طريقة تسريح شعرنا وبنزهق من التسريحات التقليدية، وعشان دايما احنا بنهتم بكل اللي بيشغل بالك جبنالك مجموعة تسريحات للشعر الطويل تقدري تعمليها بنفسك في خمس دقايق وتغيري من شكلك ومن تسريحتك التقليدية

تسريحات للشعر الطويل من الضفاير

الضفاير بقالها سنين هي الموضة الاولى لتسريحات الشعر، وبالنسبة للشعر الطويل نقدر نعمل فيه الضفيرة بأنواعها بسهولة، ومن الضفاير تقدري تعملي مجموعة متنوعة من التسريحات، اسهلها، الضفيرة على الجنب وخطواتها هي

  • بنقسم الشعر نصين بالعرض
  • بنجيب القصة على جنب وبنبدا نعمل منها الضفيرة
  • لما بنوصل لنص الشعر التاني بندمج النص اللي تحت في الضفيرة
  • بنجمع الضفيرتين على جنب واحد وبنربط النهاية بتوكة شيك
ضفيرة على جنب
ضفيرة على جنب

تسريحات للشعر الطويل من الكحكة

الطريقة التانية اللي نقدر ننوع عليها التسريحات برضه هي الكحكة وهي من التسريحات الشيك والسريعة  وممكن تبقى كاجوال او كلاسيك على حسب طريقة عملها وعلى حسب الاكسسوارات اللي حنستخدمها معاها، ومن الطرق السهلة لعمل الكحكة

  • بنقسم الشعر نصين بالعرض
  • نعمل النص اللي فوق كحكة عادية خالص
  • نقسم النصين اللي تحت بالطول
  • نلف النص اليمين حول الكحكة ونربطه ببنسه شعر
  • نلف النص الشمال على الجهة التانية ونربطه ببنسه
  • نحط الاكسسوار المفضل
الكحكة الملفوفة
الكحكة الملفوفة

وفي كمان طرق كتيرة ومتنوعة من التسريحات موجودة في الالبوم بالخطوات، وبعد ماتعرفي طريقة عمل التسريحات ممكن ترجعي للموضوع ده عشان تتعرفي على اكسسوارات متنوعة للشعر

مقالات متعلقه

ستايلات الشعر المثالية لشكل انفك

ستايلات الشعر المثالية لشكل انفك

تسريحات للشعر الكيرلي باستخدام السكارف

تسريحات للشعر الكيرلي باستخدام السكارف

7 قصات شعر جديدة مناسبة لموسم الخريف

7 قصات شعر جديدة مناسبة لموسم الخريف