رسم الاظافر خطوة بخطوة بأشكال كتير
اكيد كلنا ملاحظين ازاي رسم الاظافر موضة وكمان الوان المانيكير المتنوعة اللي كل يوم بتظهر، لكن مش اكيد كلنا عارفين طريقة رسم الاظافر في البيت ولا ازاي نستخدم الالوان الجديدة دي في عمل اشكال مبتكرة وجذابة، عشان كده جمعنالكم هنا في الموضوع ده مجموعة كبيرة من رسومات الاظافر وطريقة عملها خطوة بخطوة .. تابعي معانا الموضوع ده واتفرجي على الصور وشاركينا تجربتك.
طرق رسم الاظافر
الالوان المدرجة
طريقة سهلة جدا ومش بتاخد وقت كتيراختاري درجتبن من لون واحد وهاتي قطعة بلاستيك او زجاج، حطي شوية من اللون الغامق وجنبه اللون الفاتح، استخدمي عود اسنان وادمجي بينهم في النص بحيث ان يبقى في تلات درجات، هاتي قطعة اسفنج وخدي من امانيكير واطبعي على الظفر، نضفي الجلد بالاسيتون، حطي طبقة اخيرة من المانيكير الشفاف عشان يحافظ على اللون.
النقط الملونة
حطي طبقة من لون واحد وبعدين حطي شزية من لون تاني على قطعة زحاح او بلاستيك، خدي نقطة بطرف بنسة شعر او بطرف قلم رصاص حاد وارسمي نقط على اللون اللي انتي حطيتيه، لما ينشف حطي طبقة من المانيكير الشفاف.
وفي طريقة تانية كمان هي انك بتجيبي بلاستر من بتاع الجروح وتعملي فيه ثقوب صغير بالمقص او بالابرة، ادهني لون من المانيكير وسيبيه ينشف خالص وبعدين الصقي البلاستر على الظفر، ادهني لون تاني فوق البلاسير وسيبيه ينشف خالص، شيلي البلاستر وحط طبقة من مقوي الاظافر
المانيكير المتقسم
هاتي شرايط رفيعة جدا جدا من ورق رقيق ويكون عرضها متساوي، حطي مانيكير شفاف ووزعي فوقه الشرايط دي بالشكل للي يعجبك، ادهني فوق الشرايط بالالوان اللي تختاريها وبعد ما ينشف شيلي الشرايط وحطي طبقة تانية من المانيكير الشفاف.
وفي طرق للرسم على الاظافر على طول باستخدام الاساليب اللي فاتت يعني مثلا ممكن نعملي ورده من الطريقة بتاعة النقط، وممكن تعملي رسمه كاملة من الطريقة بتاعة الشرايط الرفيعة، اتفرجي على الالبوم عشان تتعرفي على افكار اكتر.
