صنادل صيف 2015 اشكال والوان

بقلمأنجي سليمان فيموضة وأزياء visibility1002

الصندل هو القطعة اللي بتبرز جمال الهدوم، ويعتبر الصندل من القطع الاساسية اللي لازم نركز في اختيارها واحنا بنختار لبس الصيف وده لأنه بيكون ظاهر جدا على عكس الجزم في الشتا اللي غالبا بتكون غامقة ومقفولة، واكيد كلنا دلوقتي بدأنا نشتري هدوم الصيف عشان كده جمعنالكم في الالبوم ده صنادل صيف 2015 عشان تعرفي ايه موضة السنة في الصنادل

زي ما احنا اكيد ملاحظين السنة دي بتحاول تعيد موضة السبعينيات في حاجات كتير وحنلاقي ده كمان ظاهر اوي في الصنادل من ناحية الموديلات والتصاميم او الالوان، وركزت بيوت الازياء العالمية وقت اطلاق مجموعة الربيع والصيف في 2015 على تحديد شوية معايير لموضة الصنادل السنة دي، واللي كان اهمها

موضة صنادل صيف 2015

الكعوب الخشب العالية ودي من اهم علامات موضة 2015 في الصنادل لو كنتي بتفضلي الكعوب العالية اختاري الكعوب الخشب لأنها الموضة

الكعب الخشب
الكعب الخشب

الصنادل الجلد موضة السنة دي برضه ومش بس جلد لا ده جلد بألوان معدنية زي الدهبي والفضي والاكسيدية

الدهبي والفضي
الدهبي والفضي

الصنادل الجينز برضه موجوده بكثرة الصيف ده والجينز السنة دي موضة في كل حاجة الشنط والصنادل والفساتين والبلوزات والبنطلونات، اختاري الصندل الجينز لأنه مريح جدا وكمان على الموضة

جينز
جينز

التطريز بالخرز او بالدانتيل هو صيحة السنة، في كل الموديلات سواء صنادل او باليرينا حنلاقي الدانيل موضة جدا في 2015

صنادل صيف 2015

شكل الجلد المضفر كمان طالع موضه

صنادل صيف 2015

صنادل الأربطة، بيبقى له رباط طويل بيتلف على كاحل الرجل او على الساق كلها  وده كان من علامات موضة السبعينيات اللى بترجع بقوة

صنادل صيف 2015

الصندل البوت وهي فكرة مش كله بيحب يلبسها بس ده مايمنعش ان النوع ده من الصنادل منتشر جدا السنة دي

صنادل صيف 2015

اما بالنسبة للالوان فالصيف ده كله الوان وخاصة المشجر بالورد الملون وكمان فكرة ان الصندل يكون فيه اكتر من لون موضة في 2015

صنادل صيف 2015وعشان تكملي اللوك بتاعك اختاري من بين مجموعة فساتين 2015 وبرضه تقدري تتعرفي على اخر صيحات المكياج السنة دي