موضة مكياج الصيف بالصور

أنجي سليمان
أنجي سليمان
في
مكياج
1736

موضة المكياج بتتغير كل سنة وده بناء على الديفليهات وعروض الازياء اللي بتطلقها بيوت الازياء العالمية، ومع كل موسم بتتغير الوان الهدوم وتسريحات الشعر وطبعا مووضة المكياج، وطبعا بما ان احنا بدأنا الصيف من اسابيع قليلة فكلنا عايزين نعرف ايه هي موضة المكياج الصيف ده، وعشان تعرفي شوفي الموضوع ده وانتي حتعرفي ايه هي موضة مكياج الصيف بالصور

الاطلالة

اللوك بتاع الصيف ده متنوع يعني لو كنتي بتحبي الالوان حتلاقي تنوع كبير جدا ومساحة واسعة تختاري فيها، اما لو كانت شخصيتك بتفضل البساطة فإنتي ممكن تختاري لوك طبيعي مش ظاهر فيه اي مكياج تقريبا، لكن المكياج البسيط والفاتح مش موضة الصيف ده

اللوك الطبيعي
اللوك الطبيعي

اللوك الطبيعي

المقصود بيه هنا الوان بشرتك يعني اختاري اساس شفاف، وماترسميش العيون، وحطي روج لون الشفايف مع ماسكارا لون رموشك

اما لو كنتي بتحبي الالوان يبقى ركزي مع اللي جاي

اساس المكياج

الموضة السنة دي هي كريم الاساس الشفاف وبينصحك خبراء التجميل بالعناية ببشرتك جدا والاكتفاء باستخدام كريم النهار وحاولي ماتستخدميش كريم الاساس اصلا، الا في حالة واحدة لو انتي عايزة تضيفي لمسه برونزية للبشرة ممكن تستخدمي كريم برونزي بدرجة بشرتك بالظبط

الحواجب

موضة الحواجب العريضة لسه مستمرة في الصيف ده لكن خبراء التجميل بينصحوكي تبتعدي تماما عن المظهر المفتعل زي انك ترسميها بالقلم بشكل واضح ولكن الموضة هي انك تسيبي حواجبك على طبيعتها من غير ما ترفعيهم او تقصي منهم ولو عايزة تغيري لون الحواجب ممكن تستخدمي ماسكارا اغمق من لون حواجبك درجة

الآي لينر

الصيف ده برضه الآي لينر حيفضل موضة خصوصا الآي لينر المرسوم على شكل جناح ولكن الجديد انك ممكن تستخدمي الوان الآي شادو الفاقعة في رسم الآي لينر ده زي التركواز والبرتقالي والاصفر الفوسفوري وطبعا تقدري تستخدمي الاسود

الآي شادو

الموضة الصيف ده هي الوضوح، بمعني انه لو انتي قررتي تعملي اللوك الطبيعي يبقى مش حنحط آي شادو وحنكتفي بكحل بسيط وماسكارا، لكن لو استخدمتي الآي شادو يبقى حضري نفسك انك حتستخدمي الوان فاقعة ورسمة واضحة مش حتدمجي الالوان وتخففيها زي المعتاد لا، حتغطي الجفن كله بلون واضح ويفضل كمان لو تضيفي لمسة جليتر

الماسكارا

الصيف ده جريء جدا في موضة المكياج عشان كده الماسكارا لازم تكون واضحة استخدمي الاسود الغامق واهتمي برموشك اللي تحت كمان مش بس الجفن العلوي، حطي اكتر من طبقة من الماسكارا وخط كحل رفيع على خط الجفن السفلي عشان تبرزي الرموش السفلية كويس

الروج

الخبر الحلو ان موضة الروج السنة دي متنوعة جدا عشان ترضي جميع الاذواق، لكن بيجي في اول القايمة الاحمر بدرجاته وهو موضه جدا الصيف ده، اما لو كنتي بتفضلي الغوامق بس مش الاحمر ممكن تستخدمي القرمزي او درجات الموف الغامق او لون الكريز، اما لو كني بتحبي الروز اكتر فممكن تستخدمي الروز والبينك بس ابعدي عن الالوان الفاتحة او الباهتة خليكي في الدرجات الواضحة والظاهرة، اما بقى لو كنتي بتفضلي البيج والخوخي فيؤسفني اني اقولك الصيف ده مالهومش مكان على خريطة الموضة

احمر الخدود

على عكس السنين اللي فاتت البلاشر الصيف ده بيحتل مساحة كبيرة من الاهتمام، الموضة السنة دي مش مجرد لمسة بسيطة من احمر الخدود الموضة البلاشر الواضح من درجات الروز والبينك

  اتفرجي على الالبوم اللي في الموضوع عشان تتعرفي على موضة مكياج الصيف بالصور .

مقالات متعلقه

ازاي تعملي مكياج جلد الدولفين “Dolphin Skin Makeup”

ازاي تعملي مكياج جلد الدولفين “Dolphin Skin Makeup”

تكنيك “I’m Cold Makeup” احدث تريند مكياج على التيك توك للشتا

تكنيك “I’m Cold Makeup” احدث تريند مكياج على التيك توك للشتا

9 صيحات مكياج موضة تجربيهم الصيف ده

9 صيحات مكياج موضة تجربيهم الصيف ده