اتعرفوا معانا على أسباب زيادة حالات الإنفصال اليومين دول!

سارة جمال
سارة جمال
1453

أكيد أنتم ملاحظين اليومين دول إن فيه زيادة مش طبيعية في موضوع الإنفصال والطلاق بين المتجوزين , المخطوبين أو اللي بيحبوا بعض.

فيه احصائيات اتعملت على الموضوع ده والنتجية طلعت إن متوسط ​​العلاقات دلوقتي وصل لعامين وتسعة أشهر فقط! رقم يخض, صح؟!!!

الاحصائيات ديه ربطت بشكل أو بأخر بين ارتفاع معدل الإنفصال وبين ارتفاع استعمال وسائل التواصل الاجتماعي “السوشيال ميديا” , حبنا نشارككم بأخطر الاسباب اللي ممكن تؤدي اللي الإنفصال عشان كلنا نعرف نتجنبها.

1- معرفة الشخص عن طريق وسائل التواصل الاجتماعي فقط!

فيه ناس كتير بتبني رأيها في العلاقة والشخص اللي هيرتبطوا بين بأد إيه هو مشهور ومحبوب وبيتواصل إزاي مع عيلتة واصحابة وحتى مع شريك حياته شخصيا على السوشيال ميديا!  طبعا مش محتاجين نقول اد إيه ده كارثة بكل المقايس لأن الناس على الفاسبوك مش لازم تكون بتبيين حقيقتهم لكن بتبيين الصورة اللي نفسها الناس تكون شايفاهم فيها.

2- زيادة معدل الشك والغيرة:

طبعا التعليقات واللياكت اللي بتيجي من الاصحاب اللي موجودين على السوشيال ميديا, شوفوا مثلا معانا القصتين دول كعينه :

“هي ليه بتعملك كومنت على الصورة بتعتنا انشاء الله وشكلكم كده رجعتوا تكلموا بعض تاني, إنت ناسي يا أستاذ إنك جوزي أنا دلوقتي!!”

“هو إزاي يعملك لايك على الصورة بتعتك وإنتي أصلا إزاي تحتي صورة زي ده على الفيسبوك والاينستجرام!!”

3- تمضية وقت كتيرعلى الانترنت:

فيه ناس بتعرض نفسها للوحده لانها بتحط قيمة للوقت اللي بيقدوه على السوشيال ميديا أكتر من الوقت اللي بيقدوه مع بعضهم في الحياة الحقيقية وعدم إعطاء اهتمام لشريك الحياة. وأوقات الموضوع بيبقي اكبر من كده لما بيكون فيه أطفال لأن الأطفال محتاجين رعاية وأهتمام و وقت. وده مش بيقدروا ينجحوا فيه لأن معظم وقتهم ضايع على الانترنت.

عشان كده نصحتنا لكم من بنات حوا, لما نحب و نشعر بنشوة الحب ونكون متأكدين إن هو ده شريك حياتنا اللي هنعيش معاه طول العمر, يبقي لازم نديله كل وقتنا وجهدنا واهتمامنا وحبنا عشان فعلا ننجح العلاقة ونتجنب الوحدة.

مقالات متعلقه

7 حاجات على السوشيال ميديا ممكن تأثر على حبك وتقديرك لنفسك

7 حاجات على السوشيال ميديا ممكن تأثر على حبك وتقديرك لنفسك

4 حاجات متعمليهاش على السوشيال ميديا لو عايزة تحافظي على علاقاتك

4 حاجات متعمليهاش على السوشيال ميديا لو عايزة تحافظي على علاقاتك

المطلقة .. ازاي تتعايش في المجتمع المصري بعد الطلاق

المطلقة .. ازاي تتعايش في المجتمع المصري بعد الطلاق