إزاي تقللي شعورك بالتخمة النهردة؟!
التخسيس موضوع محتاج وقت وجهد وأهم حاجة محتاج أراده وإصرار… بس فيه بعض الحيل السريعة اللي ممكن نعملها وتسعدنا على الشعور اننا اخف و نقلل الشعور بالتخمة والأنتفاخ وفي يوم واحد بس…
1- الصبح : شرب الماء الساخن والليمون
الماء مع الليمون الساخن الصبح بيشغل الجهاز الهضمي وبيساعد على تحريك الأمور, و ممكن كمان تجربي شرب الشاي الأخضر مع الليمون.
2- الصبح : أبعدي عن منتجات الألبان
كتير من الناس بيشعروا بعدم الراحة في البطن بعد تناول منتجات الألبان, لو أنتي منهم يبقي حاولي تتوقفي عن تناول اللبن والزبادي في الإفطار في الصباح. وجربي إذا كنتي هتحسي إنك أحسن أو لأ.
3- الصبح : جربي اليوغا
اليوغا بتساعد على تخليص الجسم من السموم عن طريق تشغيل وتحسين عملية الهضم, وده عن طريق عدة حركات و stretches بتعمليها بتأثر فالجسم وكمان بتساعدك على الصحيان بدري من غير المنبه وبيولد شعور رائع. خليكم متابعينا و هنتكلم في مقالة تانية عن حركات اليوجا اللي ممكن تعمليها في 10 دقايق بس كل يوم بالتفصيل.
4- منتصف الصبح : تناول وجبة استوائية خفيفة
كل من الأناناس والبابايا تحتوي على إنزيمات البروميلين – اللي بتمنع الشعور بالتخمة عن طريق تكسير البروتين وتسهيل عملية الهضم, ممكن تاكليها في صورة فاكهه متقطعة أو تشربيها عصير.
5- على مدار اليوم : كلي على مهلك…
ممكن تناول الطعام بسرعة كبيرة جدا يتسبب إن الهوا يدخل في معدتك عشان كده لو أكلتي على مهلك ومضغتي ببطء ده هيقلل في تسبب بالتخمة.
6- بلاش لبان
نفس الكلام عن الأكل بسرعة اللبان بيسبب دخول الهوا للمعده اللي بيسبب الأنتفاخ, وكمان فيه أنواع كتيرة من اللبان بيكون فيها نسبة سكر عالية.
7- على مدار اليوم : أشربي الماء
كتر شرب الماء بيساعد على طرد السموم والملح الزائد (واللي ممكن يكون مسؤول عن الشعور بالأنتفاخ والتخمة) عشان كده خليكي فاكرة دايما إنك تشربي المياه على مدار اليوم.
8- على مدار اليوم : ركزي في حجم البروتين المتناول
ممكن يكون سبب الانتفاخ هو تناولك لأحجام كبيرة من البروتين (اللحم , الفراخ أو السمك), جربي إنك تقللي شوية بشوية ولو حسيتي بفرق يبقي استمري في تناول أحجام قليلة من البروتين.
9- بعد الظهر : تناول وجبة خفيفة من الألياف الغنية
كتير قوي مننا مش بيحصلوا على ما يكفي من الألياف كل يوم، مع إن الألياف هي المفتاح للشعور بالشبع بدون انتفاخ أو تخمة، ونوصل للهدف ده عن طريق تناول وجبات خفيفة على الأطعمة الغنية بالألياف مثل الأفوكادو، التوت، البروكلي، الخرشوف، البسلة و الكمثرى.
10- المساء : بلاش حلويات!
الأطعمة السكرية أو الحلويات بتسبب الانتفاخ وخصوصا عند تناولها فالمساء، يا ريت نبدل الحلويات بالفاكهة الطازجة اللي زي ما قلنا فوق بتحتوي على نسبة كبيرة من الألياف والماء وبتساعد على التخلص من الشعور بالتخمة.
