تخلصي من الكرش في دقيقتين بس يوميا!
في
تخسيس الوزن
12874
بما أن مشكلة الكرش هي مشكلة شائعة جداً في مجتمعاتنا وتشتكي منها معظم النساء وبالذات بعد الحمل والولادة, وكلنا نفسنا نحصل على جسم رشيق ونتخلص من الدهون الزياده وخصوصا اللي عند منطقه الكرش, وعشان نتخلص من مشكلة الكرش لازم نعمل حاجتين مع بعض:
1- تظبيط أكل
2- رياضة ثم رياضة ثم رياضة
طبعا المشكلة الاساسية في موضوع الرياضة, هنجيب وقت منين؟ وكتير مننا بيجرب موضوع الجيم, ساعات مع ناس بيظبط وساعات لأ, عشان كده حبينا نقدملكم تمارين لمده دقيقتين يوميا.. حاجة بسيطة ومش هتاخد منكم وقت بس له واظبطوا عليها صدقوني هتحسوا بالتأثير على الكرش بعد شهر واحد من التمارين.
يلا نبدأ؟!
1- فرد ساق واحده
- نامي على ضهرك وضمي ركبك الاتنين لصدرك
- افردي رجلك الشمال وتبقي مستقيمه تماما, وايدك تبقي مسكه رجلك اليمين.
- بدلي رجلك, دلوقتي افردي اليمين وضمي الشمال على الصدر وتمسكيها بأيديك .
- تبدلي بين الرجلين لمدة 10 مرات. وركزي إن ضهرك يبقي مفرود وميكونش لامس الأرض بنسبه 100% زي ماهو موضح فالصوره.
2- تقاطع الرجلين
- ضمي الركبتين إلى صدرك، وارفعي راسك واسندي ايديكي وراها, واهم حاجة إن ضهرك ميكونش لامس الأرض 100%.
- إفردي رجليك الاتنين وبعدين بصي بجسمك ناحية الشمال وقربي رجلك الشمال من كوعك اليمين.
- اثبتي على الوضع لمدة 3 ثواني وبعدين افردي رجليك الاتنين تاني
- كرري بس المرة ده بصي بجسمك ناحية اليمين وقربي الرجل اليمين من الكوع الشمال. وحولي تخليهم يلمسوا بعض ولو مقدرتش مش مهم من أول مرة, مع الوقت هتلاقي نفسك قادره تعملي كده.
- كرري 10 مرات لكل الساق.
3- مد الرجلين مع بعض
- هنكمل زي مااحنا على ضهرنا وهنرجع نضم رجلنا الاتنين للصدر
- نرفع الضهر شوية من على الأرض، نتنفس ببطء وبعدين نفرد الرجلين مع بعض قدمنا. نرفعهم للأعلي لحد درجه 90 درجه مئوية ونثبت على الوضع ده 5 ثواني.
- ببطء ننزل الرجلين للمستوى الأول مره تانيه ونثبت برده 5 ثواني
- كرري 10 مرة.
نتمني انكم تجربوا التمرين وتواظبوا عليه على الأقل لمده شهر وهتحسوا بالفرق.