زيت الزيتون: مزيل المكياج الطبيعي

بقلمسارة جمال فيمكياج visibility4220

النهرده هنتكلم على وسيلة طبيعية لازالة المكياج, معظمنا اليوم مش بننزل من البيت غير واحنا مستعملين الحد الأدنى من المكياج، زي بطانة العين او الماسكارا.

أكيد على مدار الوقت أنتم جربتوا طرق كتيره لازالة المكياج, زي ال”wipes” أو “face wash” أو كريمات كتير بمختلف أنواعها.. كل الطرق ده فعاله وفعلا بتقوم بوظيفه كويسه في تنضيف الوجه من المكياج بس المشكله إن معظمها فيها مواد كيميائيه أو عضويه وديه على المدي الطويل بتأذي البشره جدا وبتساعد على ظهور التجاعيد.

إزاي ممكن نستغنى عن الطرق ديه ونستعمل طرق طبيعية ونحصل على نفس مستوى النضافة للبشره.

فيه دراسات تمت فالموضوع ده و النتيجه كانت الوصول لزيت الزيتون باعتباره مزيل ماكياج طبيعي. لقد تم استخدامه وتجربته لعدة اشهر مع بعض الحالات والنتيجه كانت اجابيه جدا.

زيت الزيتون: مزيل المكياج الطبيعي

ليه زيت الزيتون؟

زيت الزيتون مش صحي بس للأكل لأ هو كمان صحي جدا للبشره, زيت الزيتون بيحتوي على دهون صحية زي الافوكادو، اللي بترطب الجلد مع مزيج من فيتامين E وفيتامين A. وده كمان يخليكي ممكن تستعمليه في أوقات بدل الكريم على ايدك ورجلك وأي مكان إنتي بشرتك فيه جافة ومحتاجه ترطيب.

فائدة أخرى لاستخدام زيت الزيتون هو السعر. سعر زيت الزيتون مقارنه بأسعار الكريمات والطرق التانية هيبقي اقل وهيوفرلكم كتير.

ممكن كمان تجربي نفس الوصفة مع زيت جوهنسون للأطفال.

 اقرأي أيضًا: كيف تتخلصي من الهالات السوداء بطرق سهلة وبسيطة؟!