أمتي نبطل أكل؟؟!!

سارة جمال
سارة جمال
1709

مين فينا مش عايزة جسمها رشيق وحركتها خفيفة ومعندهاش إحساس بالتخمة؟ إزاي نعمل المعادله الصعبه ديه من غير مانحرم نفسنا من كل أنواع الأكل اللي بنحبها؟

الموضوع بسيط جدا ويتلخص في كلمتين “أمتي نبطل أكل؟”

أول حاجة لازم نفهمها عشان نعرف نجاوب على السؤال ده هو نفهم يعني إيه تخمة؟

معدتك ممكن تستوعب حوالي 4 لترات من الاكل – حوالي 17 أكواب – والشعور بالشبع مش بيحصل لما المعده تتملي بالاكل ,لأ الشعور بالشبع بيحصل لما المخ بيتفاعل مع المواد الكيميائية اللي الجسم بيفرزها لما الأكل يوصل للمعده. العمليه ده بتاخد وقت حوالي 20 دقيقة بعد ما بتبدأي أكل، وبعد ماتاكلي لوفضلتي لسه عندك الشعور بالجوع, اصبري شوية ولما مستوى المواد الكيميائية يزيد هتحسي بالشبع.

نصايح إزاي نقدر نسيطر على موضوع الاكل الكتير ونعمل ايه عشان نبطل أكل فالوقت المناسب:

1- نشرب كوب كامل من المايه قبل كل وجبة بحوالي 10 دقايق. ده هيسرع موضوع الافرازات للمخ 10 دقايق كاملين وأثناء الأكل هيسرع موضوع الإحساس بالشبع.

2- إبطاء تناول الطعام, نمضغ الاكل على مهلنا وندي كل وجبه وقتها ويبقي مش اقل من نص ساعة, ولو حسيتي بالشبع أثناء الأكل متكمليش وممكن تشيلي باقي الأكل وتكلموا بعدها بوقت قليل.

3- أعملي أي نشاط أثناء الأكل زي القراية، الكلام مع حد ,تتفرجي على التلفزيون أو تلعبي فالموبيل.

4- وقت لما تحسي انك جعانه, جربي تبدلي الأكل بفنجان شاي أو قهوة, ده هيديكي شعور بالشبع لمدة نص ساعة أو ساعة, ولما تيجي تاكلي بعدها هيسرع الشعور بالشبع.

5- افطري كويس جدا, مفروض الفطار يكون اكبر وجبه فاليوم, والغدا اقل والعشا اقل حاجة, الفطار الكويس هيخلي جسمك يبدأ حرق الدهون بدري وده هيساعد على الخساسان والتخلص من الدهون فالجسم ومهم جدا إنك تخلي آخر اكله تبقي قبل النوم بـ 4 ساعات على الاقل.

جربي النصايح وانسي أي إحساس بالتخمه وأحصلي على جسم رشيق وصحي.

مقالات متعلقه

6 حيل نفسية فعالة لانقاص الوزن

6 حيل نفسية فعالة لانقاص الوزن

نصائح لتخسيس الوزن في رمضان..و 5 وصفات للتخسيس

نصائح لتخسيس الوزن في رمضان..و 5 وصفات للتخسيس

11 طريقة للسيطرة على ادمان الطعام وفقدان الدهون بشكل اسرع

11 طريقة للسيطرة على ادمان الطعام وفقدان الدهون بشكل اسرع