موضة لبس الساعات الغير تقليدية

موضة الساعات اتغيرت كتير قوي في الفترة اللي فاتت وبعد ماكانت البنات بتفضل الساعة الرقيقه الصغيرة الحجم, الموضة دلوقتي متجهه للساعة الكبيرة اللي تقريبا بقت في حجم الساعات الرجالي.

تاني اهم تغير حصل في موضة الساعات هو إن زمان كانوا بيفضلوا الساعات الجلد الملونه في الصبح والألوان الذهبية أوالفضية أوقات المساء والسهرات, برضه الكلام ده اتغير وبقت الساعات الذهبية والفضية موضة في أي وقت, خصوصا مع اضافه الاكسسوريس..

نتكلم بقى عن إزاي تلبسوا الاكسسوريس مع الساعة, ديه ليها أكتر من طريقه وأكتر من شكل وممكن نفس الساعة تظهروها بشكل مختلف كل مرة تلبسوها وكأنها ساعة جديده على حسب نوع الاكسسوريس اللي لبسينه معاها.

1- الساعة مع اكسسوريس لون الواحد, ده شكل كلاسيكي هادي وبيبقى لايق جدا لما اللون اللي تختاروه للاكسسوريس يكون لون التوب أو الشنطه.

2- الساعة مع اكسسوريس ألوان كتيره, ده لوك كاجوال أكتر وبرده لازم تختاره بعنايه الألوان تكون متناسقة مع بعض ويا ريت يكون اللبس وقتها ألوان ساده.

3- الساعه مع الاكسسوريس الدهبي أو الفضي, اللوك ده كلاسيك وبيليق قوي لأوقات الليل أو المناسبات.

اتفرجوا على الالبوم اللي فيه أفكار كتير وغير تقليدية ونتمنى انه يعجبكم.