6 أكلات مسئولة عن حب الشباب

كلنا دايما بنبقى عايزين بشرتنا صافية ونقية وخالية من حب الشباب , وبنلجأ لحاجات كتيرة عشان نوصل للنتيجه ديه, زي تجربه أنواع مختلفه من غسول الوجه  والكريمات والماسكات, ومش دايما بنوصل للنتيجه المطلوبه.

بس ليه؟ عشان الموضوع اكبر من مجرد حاجات بنحطها على البشره من الخارج.. فيه عامل تاني مهم وليه دخل كبير إزاي نحصل على بشره صافية خاليه من الحبوب. العامل ده هو احنا بناكل إيه؟!

 الشوكولاته والأطعمة المقلية الشهيرة كل ده ليه اثار سيئه جدا على البشره ومهما حاولنا نعوض ده بمنتجات العناية بالبشره ده مش كفاية، احنا لازم نعمل الاتنين مع بعض.

تعالوا نلقي نظرة على ستة من الأكلات اللي ليها دور رئيسي في التأثير على البشره:

1. المشروبات الغازية:

المشروبات الغازية اللي فيها الكثير من السكر. شرب المشروبات الغازية اللي مش ديت بيسبب زياده نسبه السكر في الدم وده بيؤدي اللي زياده الانسلوين وده بدوره بيسبب جفاف الجلد وسد المسام ومن هنا حب الشباب تبدأ تتكون.. النصيحه انكم تشربوا المشروبات الغازية الديت ومش العادية.

2. الحليب:

وفقا لبعض البحوث شرب الحليب الكامل الدسم بيسبب ظهور الحب وده عشان احتوائه على نسبه عالية من الدهن.. ينصح بشرب الحليب نصف أو خالي الدسم.

3. الشوكولاتة:

طبعا موضوع الشوكولاته ده معروف واسبابه لأنها فيها نسبة عالية من السكر زيها زي المشروبات الغازية. حاولوا تناول الشوكولاته الداكنة، اللي بيبقى فيها نسبه سكر وحليب أقل.

4. البيتزا:

الكلام ده صح؟!! حتى لو البيتزا مصنوعة من المكونات الطازجة؟! الدراسات أثبتت إن السر في موضوع البيتزا إنها تعتبر من الأطعمة المجهزة ومش الصحيه ولانها تحتوي على الكثير من الدهون خصوصا في الجبنه. عشان كده يفضل أكل بيتزا الخضروات فقط ومع أقل كمية جبنه ممكنه.

5. الأطعمة المقلية:

طبعا الأكل المقلي بكل انواعه بيبقى متشبع من الزيت وده بيخليه يأخذ الرطوبة من الجسم ويزود دهون! الحل هو تجنب كل الأطعمة المقلية. وفي حاله انكم مضطرين تأكلوها  يبقى نحرص على شرب ماية كتيرة جدا يوميا عشان نحفاظ على نظافة الجلد وتجنب المسام الدهنية.

6. بطاطس الشيبس:

رقائق البطاطس مليانه بالدهون بالأضافه لنسبه عالية من الكربوهيدرات, عشان كده هي بتسبب مشاكل فالبشره. ينصح بتجنبها تماما.