3 وصفات من القهوة للجسم والبشرة

بقلمسارة جمال فيبشرة visibility4382

مين فينا مش بيعرف يبدأ يومه غير بكوبايه قهوة أو نسكافيه.. النهاردة هكلمكم عن فوايد مذهله للقهوة ممكن تكونوا أول مرة بتسمعوا عنها, القهوة منتج طبيعي بيتعمل منه ماسكات طبيعية للوجه والجسم بتنعم البشرة وتقشر الطبقه الميتة من الجلد, وكمان بتعمل تفتيح للأماكن الغامقة من الجسم.

يلا نتعرف علي فوائد القهوه للبشرة

فوائد القهوه للبشرة
فوائد القهوه للبشرة

أول وصفه: القهوة مع السكر

اخلطي 4 ملاعق كبيرة قهوة مع 2 معلقة سكر بني ومعاهم 6 ملاعق زيت زيتون: الوصفة ده هايلة للتنعيم وتقشير البشرة, دلكي البشرة بالخلطة ده قبل الاستحمام لمدة دقائق وبعد كده اشطفيها بالماء.

تاني وصفة : القهوة والزيت

4 ملاعق كبيرة قهوة و5 ملاعق زيت زيتون: ده وصفة لتفتيح الأماكن الغامقة فالجسم, اخلطي المكونات ودلكي بيها المناطق اللي محتاجة التفتيح لمده دقايق وبعد كده قومي بشطفها.

تالت وصفة: القهوة والتلج

اعملي القهوة بتعتك العادية اللي بتشربيها كل يوم وجمدي منها كام مكعب تلج وكل يوم خدي مكعب وامسحي بيه وشك ولو إنتي بشرتك حساسة ومش هتقدري تستحملي التلج مباشره على بشرتك ساعتها ممكن تلفي مكعب التلج بشاشة, ده هينشط الدورة الدموية وهيقلل ظهور التجاعيد وعلامات الكبر…