أحلى هدايا عيد الحب لك وله!

سارة جمال
سارة جمال
3332

كل سنة وأنتم طيبين بمناسبة عيد الحب 14-2-2015… طبعا الناس كلها حيرانة وبتدور على إيه هدايا عيد الحب تكون مناسبة يعبروا بيها عن مشاعرهم للي بيحبوهم.

حبينا نوفر عليكم حيرتكم ونجيبلكم أفكار هدايا حلوة في الفلانيتن.

هدايا ليها وليك :

1- الورد: لا غنى عن الورد في مناسبة الفلانتين, حتى له هو مش الهدية الاساسية بس وجود الورد بيعمل جو رومانسي.

2- الشوكلت: زيها زي الورد من جهة الرومانسية والشوكلت كمان فيها أنواع وأشكال كتيره يعني ياريت نجيب حاجات جديدة ومش معروفة, مش لازم نبقى تقليديين.

3- عشا في مكان رومانسي: ولازم يكون بحجز قبلها, لأن وقت الفلانتين بيبقى زحمة جدا وعشان اليوم ميبوزش عليكم.

4- برفان: ودي هدية لازم يتم اختيارها بعناية ويا ريت لو يكون عندك فكرة الشريك بيحب برفان معين ممكن تجيبه.

5- موبايل أو كاميرا: وده طبعا لازم تبقى عارف إن شريكك محتاجها, يعني مش يكون لسة جايب موبايل جديد أو مثلا مش بيحب التصوير لأن ساعتها هتبقى هدية مش مناسبه.

6- ساعة: برده موضوع الساعه زي الموبايل , يعني مثلا ميكونش شريكك عنده 3 أو 4 ساعات, لأن وقتها هتبقى ده حاجة مش مميزة.

7- كتاب: عن الحاجة اللي شريكك بيحبها (سفر, تكنولوجيا, طبيخ, موضه, تصوير).

هدايا ليها هي بس!

1- حجز في الSPA: هدية مميزة جدا ومريحة للأعصاب وبتهيء الأجواء الرومانسية لاستمتعكم بالمساج والسونا والستيم.

2- لانجري: إيه أحلى من إنك تجيب لزوجتك اللانجري اللي إنت نفسك تشوفها لابساه؟!

3- مصوغات دهبية: طبعا كلنا عارفين إن دي الهدية اللي عمرها ما بتبطل ولا الجنس الناعم عمروا ماهيزهق منها! لو حاجة مزينة بقلوب هتبقى مناسبة جدا فالفلانتين.

هدايا ليه هو:

1- محفظة جلد: وتبقى هدية روعة له قدرتي تكتبي عليها اسمه.

2- مجموعة كرافتات: ودي يا ريت تنقيها بعناية عشان تكون لايقة على القمصان اللي عنده.

3- شنطة لابتوب جديدة

بنات حوا بـيتمنوا ليكم عيد حب سعيد :)

مقالات متعلقه

هدايا عيد الحب لشريكك ممكن تعمليهم بنفسك

هدايا عيد الحب لشريكك ممكن تعمليهم بنفسك

افكار تجنن للاحتفال وتقديم هدايا الفلانتين

افكار تجنن للاحتفال وتقديم هدايا الفلانتين

افكار هدايا لخطيبك او زوجك .. تجنن

افكار هدايا لخطيبك او زوجك .. تجنن